Gazteria

Egunari hasiera emateko 11:00etan txupinazoa egingo da gosariarekin batera. 12etan Indautxu plazan herri kirolak izango dira, sokatira, arto bilketa eta txingekin aurkezle alaitsu batekin. 13:30etan poteoa egingo da auzoko tabernetatik triki eta panderoakin. 15:00retan bazkaria egingo da menu goxoarekin eta ondoren Antton kantautorea izango da gurean, kopak hartzen ditugun bitartean. Ondoren karaoke dibertigarria egingo dute.

19:30etan kalejira batukadarekin burutuko da auzotik zehar, Ahaten parkerarte ailegatuko dena eta bertan kontzetuak eta ekitaldia izango da. Eta egunari bukera emateko, goizeko ordu txiak arte DJ Street Warriors egongo da ska reggae doinuekin Kirruli Kultur Elkartean.

Kaixo! Badatoz berriro ere Erandioko San Agustin Jaiak! Eta honetarako nola ez herriko gazteok badugu zer ospatu eta aldarrikatu. Txozna gunean asteazken gaua ondo hasteko Bunker8 eta Kantuki erromeriaren musikaz gozatu ahal izango dugu.

Bestetik, ostegunean 4. urtez ohikoa bilakatu dugun Gala Afaria izango da zeinetan 250 pertsona batzen ohi dira (sarrerak agortuta daude jadanik) eta ostean txoznetan Dj Bull eta Dj Munzak dantzan jarriko gaituzte.

Ostiral gauean La Pegatina talde katalanaren emanaldia eta Tximeleta erromeria.

Larunbatean egun osoan zehar Erandioko 4. Gazte Eguna! aerobitoia kaletatik, "misa menor" eta gazte bazkaria txoznetan eta 19:00etatik aurrera Zaparrada batukadarekin poteoa herritik. Gauean Siroka eta Esne Beltzaren kontzertuekin jaiak agurtzen joango gara.

Gazte, ametsak eraiki! Jaiak herritik eta herriarentzat! Gora San Agustin!

ERANDIOKO GAZTE ASANBLADA

Amabirjin jaiei hasiera emateko herriko gazteok egun osoko egitaraua osatu dugu aurten ere. 2005ean lehenengo aldiz antolatu zenetik, jaietako egitarauean ederki finkatu da Gazte Eguna eta ez dugu dudarik egiten aurtengoak ere arrakasta izango duela herriko gazte eta gazte ez direnen artean.

Hainbat ekitaldi izango ditugu egun osoan zehar eta beraz, animatu ostiral honetan Goizuetako jaiei hasiera emango dien Gazte Egunera! Ahaztu gabe besarkadarik beroena aurten herriko festetan izango ez ditugunei, eta batez ere, herritik urrun bahituta daukaten Iñigori!

Jaiak bai, borroka ere bai! Jaiak herritik herriarentzat!!

Egun, Euskal Herriaren eskubideak zapalduak direla agerikoa da. Ez dira soilik ordea herri baten eskubideak zapalduk, gaur egun, euskal herritarren eskubideen errespetua ere ez da bermatzen. Eta guzti horren ondorioz da egun Euskal Herrian sortu den aldaketa nahia.

Ezin dugu ahaztu, ordea, aldaketa hori norabide bitan eman daitekeela. Etsaiak, gizartearen asimilazio estrategia baten bitartez, gaur egun bizi dugun eskubide urraketarekin jarraitzea du helburu, haien poltronak mantenduz, eta horren ageriko dira haiek sortutako krisi hau gainditzeko jartzen ari diren bitartekoak. Gazteok benetako aldaketa baten aldeko aldarrikapena egin beharra daukagu.

Uharte Arakilen hasi eta Altsasun amaituko da martxa. Egitarau txukuna osatu dute gazteek 3 egunetarako. Bonoak herrietan eskuratu ahal izanen dira 25 euroren truk eta azken eguneko bazkarira joan nahi duenak 10 eurotan bazkaltzeko aukera izanen du.

Donostiko Gazte Auziperatuek prentsaurrekoak irakurritako testua:

2007ko urriaren 30etik abenduaren 4ra bitarte, donostialdeako 26 gazte atxilotu gintuen polizia espainolak. 11 inkomunikatu gintuzten eta tratu txarrak jasan genituen. 13 espetxean egon gara, 192.000 euro ordaindu ditugu fiantzetan eta egun, 18 gazte epaiketaren zai gaude. Segi gazte erakundeko kide izatea egozten digute eta 8 urteko kartzela zigorra eskatu digute bakoitzari. Epaiketa, ekainaren 28tik uztailaren 8ra bitarte burutuko da Madrilgo Auzitegi Nazionalean.

Hala ere, gure kontrako epaiketa ez da kasu isolatu bat. Azken urteotan ugariak izan dira Segiko kide izatearen aitzakipean atxilotuak izan diren gazteak, hoietako batzuk 6 urteko kartzela zigorra ordaindu eta ordaintzen ari direlarik. Epaiketa politiko honen aurrean, honako hau adierazi nahi dugu bai gu eta baita euren babesa eskaini diguten eragile guztiek ere.

ETEN DITZAGUN ILEGALIZAZIOAK ETA DEBEKUAK. PROIEKTU POLITIKO GUZTIEN ALDE.

Euskal gazte independentisten oharra:

Lehenik eta behin, besarkada handi bat luzatu nahi diegu pasa den ostegunean frantziar poliziak atxilotutako Karlos, Olatz, Asier eta Gaizkari. Eta baita, independentziaren alde egunero herrietan lanean diharduten gazte guztieri ere.

Pasa den ostegunean gazteok eraso berri bat pairatu genuen, independentziaren proiektuak eraso berri bat pairatu zuen.

Espainiar zein frantziar estatuek, gazteon kriminalizazioa eta independentziaren proiektuaren aldeko lana deuseztatzeko estrategia errepresiboaren beste kapitulu baten aurrean aurkitzen gara berriro ere. Gazteok aski ezagunak ditugun sasi operazio berri baten aurrean, beraz.

Aurtengo udaberriarekin batera euskal gazte independentista eta ezkertiarrok burujabetasunaren alde pauso garrantzitzuak ematen hasiak gara. Durangoko ekimenaren aurretik esan genuen Euskal Herria fase politiko berrian sartua dela. Indarrak bildu eta independentziarako bide geldiezina abiatu da, honen adierazle izanik eragile politiko, sozial eta sindikalek independentziaren alde egiten ari garen urratsak. Honen agerian utzi du Espainiar Estatuaren egonezina. Eta hau hasiera besterik ez da.

Gazteok independentziaren aldeko apustu sendoa egin dugu. Guk ere gure indarrak bildu eta independentziaren aldeko herri olatuari gure ekarpena egiteko jaio da GaztEHerria, Independentzia, alternatiba bakartzat ikusten dugun gazteon bilgunea.