Euskal Herriaren memoria berreskuratzea gaurkotasun osoko eta garrantzia handiko eginkizuna da.

Euskal nazioaren eraikuntzari eta burutzeke dagoen prozesu demokratiko baten berme historikoei estuki lotua.

Gure jendartearen bizipenak talde-borondate baten zati dira, honenbestez ezinbestekoa da ekimen iraunkor, irudimenezko eta aktibatzaileen bidez lapurtutako memoriaren berreskurapenaren partaide izatea. Herria bera sujetu izatea, alegia.

Egitasmoa babesten duten memoriaren inguruko eragileak:

Lau Haizetara Gogoan, Altaffaylla Kultur Taldea, AFAN, Ahaztuak, Ipar Hegoa fundazioa, IPES Bilbao, Olaso Dorrea Fundazioa, Orreaga Fundazioa, Asociación 3 de Marzo, San Fermines 78 gogoan Herri Ekimena.

Urtetik urtera berdin. E-PRTR enpresa kutsagarrien Europako Batasuneko erregistroak bildu ditu 2008ko datuak. Eta berriro ere nabarmen agertu dira airera, lurrera eta uretara gai toxiko eta kutsagarri gehien isuri duten enpresak: energiari lotutako zentralak -termikoak, ikatzezkoak eta petrolio findegiak-; porlan, altzairu eta paper fabrikak; ur araztegiak; eta hondakinak tratatzeko guneak. Tartean ageri da Zabalgarbiko errauste planta.

E-PRTR erregistroa Europako Batasunak estatuei eskatzen dien enpresa kutsagarrien bilduma da. 50 gai toxikoren isuriak kontrolatzen ditu, airera, uretara eta lurrera. Isuri muga bat ezartzen du, eta gainditzen duena erregistroan agertzera behartzen du estatuak. 2000. urtean egin zuten lehenengo erregistroa, EPER izenarekin, eta Zabalgarbi urtero agertzen da aipatutako zerrenda beltz honetan.

Mari jaiak duela gutxi utzi gaitu eta gaurkoan zuekin bildu gara, lehenengo balorapen azkarra egiteko, jaiak bukatu bezain azkar unerik onena delako. Agian ostean hurrengo egunetan bestelako azalpenak emango dizkizuegu gauzak sakontasunean argituz, eta nola ez, zuen galderei beti bezala erantzuteko prest.

Aste Nagusi berezia aurtengoa, beroa, oso beroa, ulertzen da ezta? Batzuk gehiago berotzen ahalegindu direnak.

Aste Nagusiko astearteko gertaeren harira, zein osteguneko ekitaldien debekuen harira Bilboko Konpartsok hausnarketa batzuk helarazi nahi dizkiegu Bilbotarrei.

Gaur, Diario de Noticias de Navarra egunkariak Eusko Alkartasuna, Aralar eta Ezker Abertzalearen artean izandako bilkuren inguruan argitaratutako informazioen aurrean, Euskal Herriko jendarteari oro har eta Nafarroakoari preseski hurrengoa adierazi nahi diegu:

Bilkura hauek, Nafarroan aldaketa politikoa eta soziala gauzatzeko ezinbestekoa den oinarrizko edukien gainean akordio estrategikoa hitzartu aldera burututako harremanen baitan ulertu behar dira. Izandako bi bilkurak parte hartzaile guztiek adostutako oinarri baten baitan eman dira; erabateko diskrezioa, bai bilkuren inguruan bai eta edukien inguruan ere.

Izandako bilkuren inguruan argitaratu berri den informazioak, Aralarreko zuzendaritzako hainbat partaideen jarrera berresten du. Maila nazionalean zein Nafarroan burutu diren harreman guztiak diskrezio hautu berdinaren baitan gauzatu dira. Horrela izanik ere, Aralarrek behin eta berriz hitzartutakoa hautsi du.

Duela aste batzuk, Isamari Zarauza alkate andrearen izenean, salaketa bat jaso genuen. Honetan, Plentziako ezker abertzaleari mehatxu egiten zaio, “leku publikoetan” kartelak jartzeagatik, 750 euro arteko isuna jaso dezakegula azalduz. Mehatxatzeko, bortxatzeko eta gu isilarazteko erabiltzen dituzten tresna hauen aurrean, gure buruari galdetzen diogu: ausartuko al da herri honetako udal gobernua, alkatesaren oniritziarekin, modu berean, kultura zinegotzia salatzen eta honi isuna jartzen, herria kartelez betetzeagatik?

KONTUZ LANGILE!

Euskal Herriko herri ezberdinetan azken egunotan jazotzen ari diren gertakarien (edukinontzien erreketak, etab) aurrean, Ezker Abertzaleak honakoa adierazi nahi du:

-    Euskal Herriaren luze zabalean ospatzen ari diren jaiak festa eta aldarrikapenaren uztartzearen adibide dira. Zenbait lekutan jaiak zein aldarrikapenak zenbait instituzio eta indar polizialen boikota jaso duten arren, aurrera jotzen asmatu da, probokazio errepresiboan erori gabe.

-    Azken egunotan zenbait herritan jasotzen ari diren gertaerak testuinguru jakin batean ematen ari dira: Euskal Herriari eta euskal preso politikoei urratuak zaizkien eskubideen aldeko dinamika udarako ardatza izaten ari da, gaitasun mobilizatzaile handi batekin. Horrek gertaera horien atzean dinamika mobilizatzailea zapuzteko asmo politiko bat dagoela pentsarazten dio Ezker Abertzaleari.