Skip to Content

5. kronika: Pedalei eraginez itsasoa eta lurraren defentsan!

Uztailak 28 Asteartea, PLENTZIA-GETXO-SANTURTZI

argPlentziatik abiatu baino lehenago, Talaia Elkarteko kide batek BIMEP-i buruzko azalpen informatiboa eman du. Azpegitura honen bidez olatuen energia jaso nahi dute. Halaber, Astillero Plazan, bertako batek Plentziako garapen urbanistikoari buruzko aurkezpen txiki bat eman du. Han txirrindulariei kontatu diete, besteak beste, badagoela plan bat Armintza eta Leioaren artean 30.000 etxebizitza berri eraikitzeko. Plentziatik aterata, Txipioko Paduraren aldeko borrokaren berri izan dute eta padura hori mehatxatzen zuen proiektu urbanistikoaren kontrako garaipena nola lortu zen. Gero, Getxora ailegatzerakoan, Azkorriko basoa ezagutu dute oinez. Baso hau suntsitzeko arriskuan dago Sopela eta Getxoren artean egin nahi duten errepidea dela eta.

Eguerdian, Getxoko Andra Mari auzoko Tosu ingurunean bazkaldu dute, bertakoek

‘Egunkaria’-ren epaiketa egin edo ez irailaren 19an aztertuko dute

Egunkaria auziaren pieza ekonomikoan auzipetutako zortzi lagunak akusatuen aulkian eseri edo ez aztertuko dute irailaren 19an. Egun horretan ikusiko ditu Gipuzkoako Probintzia Auzitegiko 3. sekzioko epaimahaiak auzia artxibatzearen aurka fiskaltzak aurkeztutako helegitea eta defentsek jarritako inpugnazioa.

Ekainaren hasieran, auzia artxibatzea erabaki zuen Donostiako 3. Zigor Epaitegiko Carmen Zubimendi magistratuak. Auzipetuei leporatutako ustezko delituak preskribatuta daudela ebatzi zuen, baina erabaki horren aurka helegitea jarri zuen fiskaltzak —harena da akusazioa bakarra—. Hori hala, auzia Gipuzkoako Probintzia Auzitegiaren esku geratu da, eta 3. Sekzioko epaimahaiari egokitu zaio epaiketa egin edo ez erabakitzea.

Juana Maria Unanue Arratibel epaileak izango du txostena egiteko ardura. Eta horren gainean beren iritzia eta botoa emango dute, Unanuek ez ezik, epaimahaia osatzen duten beste bi magistratuek: Iñigo Suarez de Odriozolak eta Maria del Carmen Bildarraz Alzurik.

Epaimahaiak irailaren 19rako eguna jarri badu ere, horrek ez du esan nahi derrigor ordurako egongo denik erabakia. Egun horretako saioa, halaber, itxia izango da, eta, aldeek bestelako frogarik aztertzea baztertu dutenez, auzipetuek ez dute zertan han izanik.

ASTE NAGUSIA 2014. BILBOKO KONPARTSEN EGITARAUA

2014/08/16
2014/08/24

argUrte betez itxaroten egon eta gero, egun gutxi batzuk baino ez dira falta hiri hau eraldatzen duten egun zoragarrienak heltzeko. Abuztuaren 16an, arratsaldeko 19etan, Asier Garciaren pregoia entzun eta gero, Loreto Errastik Aste Nagusiari hasiera emango dion txupina botako du Arriagatik, Marijaiaren eskutik bilbotar eta bisitari ororen gozamenerako zoramenezko 9 egunei hasiera emanez.

Eta txupinarekin, urtero bezala, denok parte hartu eta gozatu ahal izateko ehunka aktibitate etorriko dira.

Dagoeneko Aste Nagusian izango ditugun hainbat ekimen eta aktibitate aurkeztu ditugu, bai Bilboko Konpartsok, bai Jai Batzorde Mistoaren lehendakaria den jai-zinegotziak: Ekhi txanpona, Bilboko Konpartsak Arrain Fish Festival (BKAFF), kontzertuak, folklorea…

Nola ez, aurrekoei, urtero bezala, konpartsok antolatzen ditugun beste AKTIBITATE MORDO BAT gehitu behar zaie. Ezinezkoa zaigu antolatzen ditugun ehunka aktibitateak izendatzea… Gosea egiteko, hona hautaketa labur bat: igela eta tiragomas; skate; dantza ikastaroak (euskal dantzak, sabel-dantza, karibekoak…); bertsolaritza emanaldiak eta bertso-bazkariak; ginkanak; zuzeneko irrati-saioak; musa; kukaña; txalaparta; magic, bloodbowl eta warhammer; bilbo kantari; herri kirolak; suzko zezena, futbol 3 Athletic fundazioarekin eta saskibaloia; trainerak; kalejirak; arrantza eskola; antzerkiak; xakea (nazioarteko txapelketa barne); azokak eta erakusketak; piraguak; aerobithoia; eta abar luze bat.

Lemoiz eredu, borrokari heldu, AHT gelditu!

4. kronika: Uztailak 28 Astelehena, GERNIKA-BAKIO-LEMOIZ
argAtera baino lehenago Astraren aurrean, txirrindulariek argazki bat atera dute Val Susan AHTren aurka preso daudenekin elkartasuna adierazteko. Gernikako Azoka eguna denez, informazio banatu da saltzaile eta erosleen artean. Gero Bizi Martxak Sukarrietako bidea hartu du. Herri honetan, "Urdaibai, zain dezagun" Plataformako kideekin topaketa bat egin da Guggenheim eta beste proiektu urbanistiko espekulatiboen arriskuaz hitz egiteko.

Ondoren, Txirrindula Martxa Bermeora heldu da. Bertan, Lamerako Kioskoan,  AHTren aurkako tropelak oso ongi-etorri atsegina eta hamaiketakoa ezinhobea izan du, musika, dantza eta guzti. Handik aurrera, txirrindulariak Bakiora ailegatu dira. Han, bazkaldu ondoren, Bakioko zinegotzi batekin eta Ahoztar Zelaietarekin, hirigintza espekulatzailearen aurkako hitzaldi informatiboa eduki dute. Azken hau, "Jóvenes burukides vizcainos" liburuaren egilea da.

Berriro txirrindularen gainean igo eta zaparrada handiarenpean Lemoizko zentral nuklearrera heldu dira. Bertan, Torre Altonaga "Medius"-en testigantza jaso dute. Segindan, Plentziara jo dute bertako gaztetxean afaltzeko. Afal ostean, “Lemoiz: borroka antinuklearraren mugarri” izenburuko mahaingurua burutu da, Carlos Alonso (Komite Antinuklearrak), Torre Altonaga “Medius”, Juantxo Estebarantz eta Talaia Elkarteak (Lemoizko bizilagunak) parte hartu dutelarik.

Beste aste batez kalera aterako gara Palestinar herriaren askatasunaren alde

2014/07/29 20:00
2014/08/06 20:30

Beste aste batez Euskal Herriak kalera ateratzen jarraituko du! Palestinar herriaren aldeko elkartasun ekimenek ez dute mugarik!

Laster deialdi gehiago, beraz ADI!

Uztailak 29

URIBARRI (BILBO) 20:00etan ELKARRETARATZEA arrapala mekanikoan

INTXAURRONDO (DONOSTIA) 20:00etan HITZALDIA pasa den urtean Askapenaren Palestinako birgadan parte hartu zuen kide batekin Zulo Zahar elkartean

GASTEIZ 19:00etan MANIFESTAZIOA 19:00etan Andra Mari Zuritik

Uztailak 31

ARROSADIA (IRUÑEA)

19:00etan ELKARRETARATZEA Felixa Munarriz Plazan

20:00etan HITZALDIA

22:00etan "5 camaras rotas" DOKUMENTALAREN EMANALDIA

Abuztuak 1

IRUÑEA 19:00etan MANIFESTAZIOA autobus geltoki zaharretik

AHTren inposaketaren aurrean borrokan tinko!


  3. kronika: Uztailak 27, Igandea: DIMA-GALDAKAO-LARRABETZU-GERNIKA
Gaur goizean Diman lo egin ondoren,AHTren aurkako Txirrindula Martxak Usansolo aldera jo du. Bertan, auzokideek ongi etorri beroa eskaini diete txirrindulariei. Beraiekin batera, oinez, Usansoloko kaleetan barrena AHTren aurkako aldarrikapena ozenki plazaratu da.

Ondoren, AHTren aurkako tropela Galdakaoko  Bekea auzora abiatu da. Bertako auzokideek prestaturiko hamaiketako goxoa dastatu ondoren, AHTren lanak ikustera joan dira. Urte terdiz lanak geldituta izan ondoren, orain berriro hasi dituzte. Bekea auzoan izandako AHTren aurkako borrokaren informazioa erakusketa baten bidez ikusteko aukera izan dute.

Segidan, txirrindula martxa Galdakaora joan da eta bertakoek harrera beroa egin diete plazan. Segidan, Larrabetzura joan dira eta Goiko-Elexea auzoan marmitako goxoa dastatu dute. Gaur arratsaldean, Morga portua gainditu ondoren, Muxikako "Auzokoa" baserrira bisita egingo dute. Bertan, nekazaritza ekologikoren produktuak dastatzeko aukera izango dute. Gernika, eguneko helmuga izango da. Astran, afaldu ondoren, kontzertu bat egongo da Ganbaratik bakarlariaren eskutik.

>>GALERIA DE FOTOS<<

Prest izatea eta prestatua izatea

Prest izatea eta prestatua izatea"Uztaritzek zer arriskatzen duen ez dakit. Administratiboki seguraski gauza gutxi. Aldiz, jendartearen sustengu eta atxikimenduan anitz du irabazteko. Oroz gainetik badu xantza bat izateko hizkuntzaren berreskurapenean eredua eta pausua ematen duen lehena"

Uztaritzeko herriak berriki deklaratua du euskara hizkuntza ofiziala bere herrian. Ekintza zoriontzekoa da, duda izpirik gabe.

Prefetak salaketa jarri omen dio, Frantses Konstituzioaren 2. artikuluarekin bat ez datorrelako horrelako erabaki bat eta batez ere hizkuntzaren konpetetentzia ukatu nahi baitzaie lekuko instituzioei.

Zein ondorio izan ditzake horrelako erabaki batek? Gertatu den arte, nik bederen ez dut gogoeta anitz eraman holako bati buruz. Zer pasatzen da erabakia hartu ondoan? Zer eta nola egin, zein lehentasunekin, zein ahalekin?

Hasteko eraginen du herritarren artean kontzientzia eta aktibazioa gogoko proiektu bati lotzeko. Eta borondate on frango inplika lezazke.

Munduko bidegorri garestienenan AHTa salatzen

arg2 kronika. Uztailak 26 Larunbata: ATXONDO – ZORNOTZA – DIMA Gutxi baino gustora lo egin eta gero goizean goiz AHTren aurkako txirindulariek Apatatik Zornotzarantz abiatu dira. Bidetik Matiena, Durango eta Iurreta zeharkatu ondoren, AHTko kilometro inguruko zubi bide batetik San Antonio auzoan sartu eta Montorra Baselizeraino heldu dira , obrak bertatik bertara ezagutzeko eta guztiz suntsitzailea den azpiegitura tarte hau bidegorri bihurtuz. Zornotzara heldu, hamaiketako bat erdialdean hartu, eta segidan Boroara Joan dira “Zornotza Bizirik” taldeko partaide batzuen eskutik bertako Zentral Termikoaren borrokaren berri jasotzeko.

Hortik Leginetxe auzora Joan dira. Bertan duela 4 urte baserriko jabea kaleratua izan zen obrak direla eta, eta ondoren okupatu zuten AHTren aurkako erresistentzia gune bihurtzeko baserria suntsitu arte. Geroxeago Astepe biaduktora sartu dira, eta biaduktoaren erdian pankarta erraldoi bat zabaldu dute,” AHT TAV STOP” leloduna. Segidan Lemoako Lemorieta auzokideek ongi etorri beroa eskeini diete, eta udaletxean aurkeztutako AHT eta beste azpiegitura txikitzaileak salatzeko mozioa irakurri diete. Ondoren Lemoako Gaztetxen bapo bazkaldu dute.

GALERIA de fotos

 

"Petti Buhame" pastorala Garindainen

2014/07/27

kartela2014ko uztailaren 27an eta abuztuaren 3an, Pier-Pol Berzaitz-ek idatzi Petti Buhame pastorala emana izanen da Garindaineko herrian.  Buhamien eta XIX. mendeko Xiberoko jaunttoen arteko harreman korapilatsuei buruzko ikusgarria.

  • Testua : Pier Pol Berzaitz
  • Errejenta : Michel Arotze Zartantxü
  • Koru zuzendaria : Jean-Louis Bidabe Aramburu

Egitaraua

  • 10:30 : Meza aktoreekin
  • 11:30 : desfilea karriketan
  • 12:30 : bazkaria denei irekia
  • 15:30 : Pier-Pol Berzaitz-ek idatzitako Petti Buhame pastorala
  • 20:30 : afaria denei irekia

Euskal kultur erakundea pastoralaren sorkuntzaren partaide da.

Viva a Patria Galega

Europako herri langile ezberdinen antzera askapen sozial eta nazionalaren alde borrokan ari den herria da Galizia. Borroka horren ondorioz, makina bat aldiz errepresio gordina pairatu izan du, baina ez du herri boterearen eraikuntzan eten. Askapenatik, gure elkartasun oso adierazi nahi diogu Galiziako herriari gaurko egun honetan eta borrokan tinko jarraitzera animatu.

Que queiram ou que nom Galiza é umha Naçom

Avante, sem medo, o Povo Galego

arg

Ante el Día da Patria galega diferentes partidos, sindicatos y colectivos firman el manifiesto “Viva a Patria Galega”

Galiza es una nación oprimida por el Estado español. Ese sometimiento forma parte de la historia, pero también extiende sus tentáculos en la actualidad, para garantizar la perpetuación de un sistema basado en el fomento de las desigualdades. En la carencia de soberanía radican la inmensa mayoría de los graves problemas que padecemos todas las personas que conformamos este pueblo y como nación. Por eso, frente a las reivindicaciones soberanistas de las naciones que integran el Estado español, este responde impulsando un fuerte proceso de recentralización y anulación de los derechos nacionales y de represión constante contra aquellos hombres, mujeres, organizaciones y luchas que los reivindican.

Sardiniako eragileekin lankidetza-aukerak jorratu ditu Kontseiluak

SOTZIEDADE PRO SA LIMBA SARDA erakundeko ordezkariak Euskal Herrian daudela, Kontseiluko idazkari nagusiarekin bildu dira bi erakundeen arteko elkarlana jorratzeko.

Kontseiluko idazkari nagusi Paul Bilbaok Kontseiluaren jardunari buruzko informazioa partekatu du Sardiniako ordezkariekin. Horrela, Kontseiluak berak garatzen dituen proiektuez gain Hizkuntza Eskubideen Behatokiaren eta Bai Euskarari Ziurtagiriaren jardunaren berri helarazi die.

Hartara, Kontseiluko ordezkariak hizkuntza-politikan egindako ekarpenak ere partekatu nahi izan ditu sardinieraren aldeko ordezkariekin, besteak beste, Ikasle euskaldun eleanzitunak, Hizkuntza Politika Berri eta Eragingarria, Lan Mundua Euskalduntzeko Adierazpena eta Udaletako Ordenantza Eredugarriak.

Sardinieraren aldeko ordezkariek haien hizkuntzaren egoeraren berri azaldu dute, bai eta sardiniera berreskuratzeko garatu izan dituzten proiektuak ere: hedabideetan, hezkuntzan, kulturgintzan etab.

Bi erakundeetako ordezkariek oso positibotzat hartu dute bilera eta etorkizunari begira lankidetzarako aukera handiak daudela ondorioztatu dute.

2014ko Donostiako Piraten Aste Nagusiko egitaraua

2014/08/10
2014/08/17

karetla

ABUZTUAK 9, larunbata:

Jaiaren hasiera: Kofradiak, La Flamenkaruntz gerturatzen joango dira, jai giroan:

 Aingurako kideak Bretxatik abiatuko dira (Boulevardeko aldetik) bizikletekin.
Intxaurrondoko Sagastieder Plazatik martxa La Flamenkara TRAGANARRUAK
Grosetik txupinazora joateko kalejirara UBARROIAK
19:00 Pretxupinazoa Ikurrinan KALEPOZA
19:45 Lehen gazte potea ESKIFAIA
20.00 Txupinazora joateko hitzordua Andresarenean, brindisa egiteko, Sorginbanda batukadaz girotua SARDIÑERAK
20:30 Bihurrien Kofradiaren elkartzea (Zuloaga plazan) PIRATA BIHURRIAK

- 21.30 Ezkilari ongietorria + Txupinazoa, Kaian. (Denok elkarrekin)

ABUZTUAK 10, igandea:

- 11:00 ERROMERIA EGUNA, la Flamenkatik abiatuta: JOLASTU, LAZTANDU, EREIN! lelopean Urgullera igoera girotua AINGURA, SARDIÑERAK eta PIRATA BIHURRIAK

Hondartzak betetzeko deia

2014/08/03 12:00

argUztaila eta abuztua, opor eta hondartza garaia askorentzat. Uztaila eta abuztua, bidai eta bisita garaia guretzat. Euskal preso politikoen senide eta lagunentzat ez da oporrik. Espetxeratuak dauden gure ahaideen eskubideak etengabe baitira zapalduak. Horregatik, beste urte batez, egoera hau salatzeko Euskal Herriko hondartza eta kosta eremuetara gerturatu gara gaurkoan ere.

Sakabanaketak indarrean jarraitzen du, Bizi Osorako Zigorra -40 urteko kartzelaldia- aplikatzen jarraitzen dute, gaixotasun larri eta sendaezinak dituzten presoak ere ez dituzte askatzen. Senide eta lagunon kontrako jazarpena ere gero eta handiagoa da.

Dispertsioak 25 urte bete ditu aurten. Sufrimendu eta minaren urteurrena. Eta urteurren anker honetan zortzi dira, momentuz, dispertsioak eragin dituen istripuak. 25 egunetik behin istripu bat eragin duen erabaki politiko zitala.

Hori dela eta, Etxeratek, deituriko kontzentrazioetan parte hartzeko deia zabaldu nahi die euskal herritar guzti guztiei. Guztiok gara beharrezkoak dispertsioarekin amaitzeko. Horregatik, abuztuaren 3an, hondartzak beteko ditugu. Dispertsioarekin amaitzeko unea delako.

Deialdiak:
Abuztuak 3. Hondartzetan elkarreratzeak. Kontzentrazio guztiak 12.00etan izango dira:

Gipuzkoa:
Orio
Donostia
Deba

Ipar Euskal Herria –Lapurdi-
Donibane Lohitzune
Hendaia

Bizkaia:
Ea
Bakio
Lekeitio
Muskiz
Plentzia
Mundaka
Ondarru

Euskal Herriko hainbat eragile sozialok Euskadiko Nekazari-elikagaien Kooperatibaren Federazioari Israelera egiteko duten bidaia bertan behera uzteko eskatu diogu

Euskadiko Nekazari Elikagaien Kooperatiben Federazioak, Euskadiko Kooperatiben Kontseilu Gorenaren, Eusko Jaurlaritzaren eta Euskadi-Israel Kultura Elkartearen (Havtajá) laguntzarekin, bidaia bat antolatu du Israelera, aurtengo abuztuaren 27tik irailaren 4ra bitartean. Herri palestinarrarekin elkartasunean lan egiten dugun gizarte eragileek kezka handiz ikusten dugu ekimen hau, izan ere palestinarrentzako bake justu bat lortzeko helburua izan beharrean keinu normalizatzaile bat baita, Palestinan Israelek abian duen apartheid Estatuaren konplize bihurtuz.

argHerri palestinarraren kontra Israelek ezarritako apartheid sistema eta Gazan burutzen ari dituen krimenak salatzeko, eta era berean, bidaia bertan behera uzteko arrazoiak argitzeko asmoarekin, Euskal Herriko eragile sozial ezberdinok prentsaurreko bat deitu dugu. Bertan, Israelek Palestinako okupazioari amaiera jarri, errefuxiatu palestinarren itzulera eskubidea onartu eta palestinar-israeldarren berdintasun eskubidea berma dezan presionatzeko gaur egun dagoen tresna eraginkorrena Israeli Boikot, Desinbertsio eta Santzioen kanpaina (BDS) dela azpimarratzen dugu. Honegatik, euskal jendarteari kanpaina honi babesa emateko deia luzatzen diogu, israelgo apartheida Euskal Herrian ez normalizatzeko.

Gazaren aurkako eraso eta bonbardeaketaz AIJD elkartearen deklarazioa

AIJD-IADL (Nazioarteko Jurista Demokraten Elkartea)-k deklarazio bat publikatu berri du, zeina Gaza gaineko bonbardeaketa eta herritar palestindarren erahilketa gaitzesten du irmoki. Modu berean, Nazioarteko Komunitateari deia zabaltzen dio, eraso hauek bukatuta daitezela exijitu dezan, eta Israel eraso hauen gaineko erantzule izan dadin.

Eskubideak Euskal Abokatuen Elkarteak modu berean deklarazioa bere egiten du.

 

ARGIA Eguna

ARGIA Eguna egingo dugu Usurbilen, irailaren 27a larunbatarekin. Festa aukera bat izango da herritar guztientzat ARGIA proiektua ezagutzeko, eta ARGIAko komunitatea elkartzeko: harpidedunak, irakurleak, blogariak, kolaboratzaileak, langileak, publizitatea jarriz proiektua babesten dutenak… Gainera ARGIA Egunaren barruan antolatuko den “ARGIAzaleen topaketa”-n, proiektuari buruz komunitateko kide guzti horien arteko iritzi-trukea egingo dugu. Bertan, urte amaierarako prest izan nahi dugun aldizkari berritua aurkeztuko dugu lehen aldiz, era informal batean.

ARGIAren balioetan oinarritutako festa izango da, egun osokoa eta adin guztietako jendearentzat zuzendua: Ingurumenarekiko errespetua, parekidetasuna, independentzia, lurraldetasuna, euskara eta parte-hartzea landuko ditugu, beste hainbat baloreren artean.

Egitarau zehatza irail hasieran jakinaraziko dugu, baina aurreratuko dugu produktu ekologikoekin egindako herri bazkaria, Euskal Herriaren independentziari buruzko mahai-ingurua, bertso saioa, tailer ekologista bat, bakarrizketa umoretsuak, kale animazioa, jolas aldarrikatzaileak eta kontzertuak izango direla, beste hainbat gauzaren artean.

Egitarau partehartzailea egin nahi dugu, eta inork zerbait antolatu nahi balu, jarri gurekin harremanetan sustapena@argia.com helbidean abuztuaren 25a baino lehen.

ARGIA Eguna 1982an egin zen lehen aldiz, 1992. urtean azken aldiz, eta bi hamarkadaren ostean berreskuratzea erabaki dugu ARGIA kalera atera, proiektua ezagutarazi eta komunitatea sendotzeko.

Dispertsioak beste istripu bat eragin du

Egun on eta mila esker prentsaurreko honetara gerturatu zareten guztioi.

Prentsaurrekoa, leku berezi batean deitu dugu, kotxe tailerrean, karrozerian. Hementxe baitago asteburuan Villenaraino, Alacanteraino bidaia egin zuen Mirentxin furgoneta. Tamalez, furgoneta honek ere, istripua izan zuen, dispertsioak 2014 urte honetan eragindako zortzigarren istripua pairatu zuten barruan zindoazen sei lagunek.

Furgoneta honi gertatutakoa gure egoeraren metafora lazgarria da. Ia 700 kilometrotako bidea egin ostean, espetxera iristen ari zirela, goizeko ordu txikietan, horma batekin kolpatu ziren. Ostiraletan irteten dira Mirentxineko boluntarioen furgonetak espetxeetara. Bidaiari ekiten dioten askok lana egin dute kotxea, hegazkina, itsasontzia edo furgoneta hartu aurretik. Lana, aste osoko neketsua, espetxera zehaztutako orduan iristeko beharra, tentsioa, urduritasuna… 700 kilometrotako joana, 700 kilometrotako etorria. 1400 kilometro guztira. Villenara kasu honetan. Baina 2000 Km baino gehiago dira Puerto III, Clairvaux edo Baupaume bezalako espetxeetara astero doazenak. Orduak eta orduak errepidean, kasualitatea baino kausalitatea diren istripuak.

Euskal abokatuen inguruan mozioa

AED eta ELDH abokatu europear elkarteek, euskal abokatuei buruzko mozio bat argitaratu berri dute. Bertan, Jon Enparantza, Arantza Zulueta eta José Campo abokatuek pairatzen duten isolamendu egoera salatzen dute. Hirurak, beste bost pertsonekin atxilotuak izan zirenetik espetxealdi prebentiboan daude, orain sei hilabete baino gehiago.

Modu berean, Entzutegi Nazionala den Epaitegi bereziaren papera salatzen dute, eta defentsa eskubidearen aldeko lanaren beharraz hitz egiten dute.

AED-EDL (European Democratic Lawyers) eta ELDH (European Lawyers for Democracy and World Human Rights elkarteak, abokatu elkarteez osatuak daude eta ordezkariak dituzte europako 20 estatuetan. Ez da euskal abokatuek pairatzen duten jazarpen egoera edota atxiloketak salatzen dituzten lehenengo aldia, eta oraingoan, balizko polizi operazio horren berri ere izan dutela adierazten dute kezka handiz. 

Eskubide Sozialen Karta oinarri hartuta politika propioak egiteko ordua dela aldarrikatu du LABek

labEuskal Herrian ematen diren txirotze eta prekarizazio politiken informea (2014ko lehen seihilekoa) aurkeztu du gaur LABek. 2013ko urrian LABek aurkeztutako txostenean jada ohartarazten zen lan erreformak langileen lan baldintzetan dituen ondorioez, baita emakumeei enplegurako sarbidea galarazteak edota babes sistemaren ahultzeak dituen ondorioez ere.

Koiunturaren azterketa berri honekin LABek 2014ko lehen sei hilabetekoaren balantzea egin du eta sindikatuak hortik ateratzen dituen ondorio nagusiak aurkeztu ditu gaur.

LABek egoera geroz eta larriagoa dela ohartarazi nahi izan du gaur agerraldian. Eta horren atzean hartu diren erabaki politikoak daudela salatu du. Herria babes sozialik gabe utzi dituzten erabaki politikoak, galerak sozializatzen eta irabaziak pribatizatzen dituztez erabakiak. Honen adibide argi bezala lan munduaren erreforma, pentsio erreforma eta pribatizazioen orokortzea, besteak beste, jarri ditu.

Aurkezturiko txostenari erreparatuz pobreziaren betierekotzea hazkunde ekonomikoaren ezaugarri bilakatu dutela adierazi du LABek, hartu dituzten erabakien bitartez pobrezia zabaltzen eta hazkunde ekonomikoa behera egiten ari dela argi ikusten baita.

Egun oraindik hartu den bide politikoak berak eskatzen dituen eta murrizketa gehiago ekarriko dituen erreforma berriak negoziatzen ari direla esan du LABek, eta honi aurre egiteko 2008an euskal sindikatuok abiatutako bidetik jarraitzeko deia egin du, hau da, Eskubide Sozialen Karta oinarri hartuta mobilizazioen bitartez.

Bidasoaz bi aldeetako ikasleak eta begiraleak, udaleku aitzindari batean elkarrekin

kartela

 Ikastolen Elkarteak eta Uda Leku elkarteak bat egin dute aurrenekoz, eta aurten 'Elkarrekilan Zuberoan' udalekuak antolatu dituzte elkarrekin. Bertan, Euskal Herriko lurralde guztietako 9 urtetik 15 urtera bitarteko ehun bat gaztek hartuko dute parte. Mauleko 'Agerria etxea' aterpetxean izango dira, uztailaren 24tik 30era. Begiraleak ere Bidasoaz bi aldeetakoak izango dira.

Egitasmoa gaur aurkeztu dute Ikastolen Etxean, Donostian. Argazkian, ezkerretik eskuinera, Anaiz Olzomendi Uda Leku elkarteko kidea, Koldo Tellitu Ikastolen Elkarteko lehendakaria, Mertxe Aizpurua Udalbiltzako lehendakaria, Michel Etxebest Mauleko auzapeza eta Nagore Amondarain Ikastolen Elkarteko Aisialdi Taldeko arduraduna.

Koldo Tellituk azaldu duenez, aurtengoa lehen aldia izanda, xume abiatuko da 'Elkarrekilan Zuberoan', baina etorkizunean indartu nahi duten egitasmoa da. "Kezka" batetik jaio zela esan du: "Azken urteotan izugarrizko bilakaera izan du Ipar Euskal Herriak. Bai gizarte mailan, bai politikan, baita ekonomian ere, aro berri bat ikusten zaio. Baina, era berean, salbuespen batzuk kenduta, esan liteke Bidasoa ibaia zabaldu egin dela, edo dagoeneko ez dugula zubi hori lehen adina gurutzatzen, ez garela elkartzen".

Syndicate content