Skip to Content

“Bihotzetatik zintzilik” kantaren bertsio akustikoa bidaia luzeetatik bueltan datozen senide eta lagunentzako opari

  • Kanta egun berezian aurkeztu dute hurrengo asteburuan seniderik egongo ez delako espetxeetara bidean NowBilbora mobilizazioan parte hartuko dutelako
  • Euskal preso politikoen senide eta lagunentzako errekonozimendu eta opari gisa aurkeztu dute kanta, bisitetatik bueltan etorri-berri diren guztientzako

Bost urte igaro dira Siroka taldeak Bihotzetatik zintzilik kanta aurkeztu zuenetik. 1825 egun, 43800 ordu. Tamalez, kantaren mezua ez da iraganeko kontu bat; bost urte hauetan mugimendu politiko batzuk oso sakonak izan diren bitartean, preso, senide eta lagunen giza eskubideak astebururo, uneoro, urratuak dira.
Horregatik, oraindik dirauen estatuaren biolentzia salatu eta sufritzen dutenei opari eta errekonozimendu gisa, Siroka taldeak, Etxerat elkartearekin batera, Bihotzetatik zintzilik abestiaren bertsio akustikoa aurkeztuko dute gaur arratsaldeko 20:00etan naiz.info eta ahotsa.info web atarietan.

Euskal Herriko BDZ kanpainaren atxikimenduak batzeko ataria jaio da: Yallah-eh.org

Yallah-eh.org

Euskal Herrian Boikot Desinbertsio eta Zigor kanpaina indartu eta atxikimenduak ikusgarri egiteko helburuarekin jaio da www.yallah-eh.org ataria.

Hamar urte betetzera doaz BDZ mugimenduak bere bidea ekin zuela. Presio ekimen bat dugu boikot kanpaina hau, harik eta estatu sionistak Arabiar lurren okupazioa eta kolonizazioa bertan behera utzi eta harresia eraitsi, Israelen bizi diren hiritar arabiar palestinarren oinarrizko eskubideak aitortu eta palestinar errefuxiatuek beren etxe eta jabetzetara itzultzeko eskubidea aitortu, babestu eta bultzatu arte garatuko dena.

Herrian 2005az geroztik hamaika ekimen eta dinamika garatu dira, israelgo produktuak erosteari uzteko deialdiak, Israelgo kirol eta kultura arloko ordezkariekiko boikot ekimenak edo eta estatu sionistarekin harreman instituzionalen gaineko salaketak esaterako. Modu honetan, Euskal Herrian palestinar herriaren aldarriak zilegi eta justutzat jotzen dituen babes herritar aski sendoa dago.

Atxikimendu zabal hori ikusgarri egin eta sistematizatzeko beharra dagoela ikusita, www.yallah-eh.org ataria jarri da martxan, Euskal Herriko arlo eta eremu ezberdinetako gero eta entitate gehiagok BDZ kanpainarekin bat egin eta jasotako babes hau guztia Euskal Herriko mapan ikusgarri jartzea da helburua.

Enpresa elektrikoak eta babesten dituztenak energia eta bizitza duina lapurtzen digute

FOESSA-ak eta Iruña zein Gasteizko gobernuen ikerketek bat egiten dute: Hego Euskal Herrian etxebizitzen %5 - %7-k ezin diote aurre egin argia eta gasaren kostuari. Eta bada %15 inguruk zailtasunak dituztenak ordainketak garaiz egiteko. Aldi berean, ezagutzera eman dute Estatu espainiarrean 1,4 miloi etxebizitzetan argindarra moztu zutela inoiz 2013an.

Egun hauetan errekuperazio ekonomikoaren iragarpenaz eta kontsumismoaren apologiaz ari dira bonbardatze. Hala ere, errealitate gordina ezkutaezina da. Ezin dugu ahaztu prekarizazioaren eta pobreziaren instituzionalizazioareekin energia erabiltzeko eskubidea ukatzen ari dira lan erreformari babesa emanez, politika fiskal erregresiboak onartuz eta prestazio sozialak murriztuz. Holaxeko erabakiekin fisikoki zein sozialki indarkeria aplikatzen ari dira gure herriaren zati esanguratsu baten kontra.

Datu guzti hauekin batera, enpresa energetiko erraldoiak inoizko emaitzarik lortu dituzte 2013an: 14.600 miloi irabazi zituzten. Eta energiarik gabeko pertsonen gainetik, badira erabat salagarriak diren erabaki politikoak. PNV-ek, behin eta berriz, uko egiten dio Parlamentuan neurriak hartzeari inork ez dezan geratu argia edo gasik gabe, arrazoi ekonomikoak direla medio; baita uko egiten dio ere aurrekontuak igotzeari larrialdietarako diru-laguntzak eskubide subjetibo izan dadin, eta beraz bermatua egon dadin argia edo gasa erabili ahal izatea. Hau ere politika soziala dela erraz ahazten dute. Aitzitik. Haien interesak eta kezkak fracking edo hidrokarburoen esplotazioan eta espekulazioan daude.

Errekaleor bizirik

2015/01/16
2015/01/18

Urtarrilaren 16tik 18ra Errekaleorrera joatera deitu dute, auzolanean parte hartzera

 

errekaleor_solasaldia_errepresioa_inpunitateaGasteizko Errekaleor auzo okupatuko kideek Euskal Herriko gazte oro deitu dute urtarrilaren 16tik 18ra egingo duten auzolanean parte hartzera. Jakinarazi dute parte hartzen dutenek lotarako lekua izango dutela bertan, eta eskatu dute horretarako asmorik izanez gero mezu bat idaztea info@errekaleorbizirik.org helbidera.

Asteburua baino lehen, baina, hainbat ekintza egingo dituzte. Urtarrilaren 12an, astelehena, errepresioa eta inpunitatearen inguruko jardunaldia egingo dute. Dokumental baten proiekzioa, mahai ingurua eta solasaldia antolatu dituzte. Horrez gain, jaialdi bat ere egingo dute ostegunean Gasteizko gaztetxean.

egitaraua

Urtarrilaren 1eko egunsentiaren bila

Gaurkoa bezalako egun batean, duela bi hamarkada pasatxo, ustekabean, Mexiko urte berriari ongi etorria ematen ari zen bitartean, zapatistek indarrez hartu zituzten Chiapasko hiririk garrantzitsuenak: San Cristóbal de Las Casas, Altamirano, Las Margaritas, Ocosingo, Oxchuc, Huixtán eta Chanal. Izan ere,  urtarrilaren 1ean NAFTA (Kanada, EEBB eta Mexikoren arteko merkatu libreko ituna)  abian jartzera zioan eta gisa honetan erakutsi zieten behean eta ezkerreko jendeek, lurraren koloreko herriek agintari ustelei euren mespretxua. Ordura arte mendebaldeko edo mendebaldarturiko herritarrentzat alfer eta ezjakin hutsak ziren haiek, historiaren gurpilari aurre hartu eta neoliberalismoaren estrategian pausu ezinbesteko bat zena salatu eta berau aldarazteko eginahaletan, gaur arte irauten duen erresistentziari eman zioten hasiera.

Urteotan ez dira gutxi aurpegia estalita emakume eta gizonek munduari irakatsitakoak, gurean ere haietako askok lekua behar lukete seguraski; herri boterea egunerokotasunean nola egiten duten bere, ama lurrarekiko harremana...  Gaurkoan baina,  hitzarmen hark  izaniko ondorioak aztertu eta batez ere,  honen aurrean emaniko erantzun eta  sortu diren dinamikak azpimarratzea dagokit.  Geu ere, EEBB eta EBen  artean TTIP deituriko itun  baten ateetan gauden honetan,  bateko eta besteko elite politiko  nahiz ekonomikoak ezkutuan negoziatzen ari direna egun.

Natura eta senda belarrak

2015/01/11 10:00

MENDI IRTEERA eta TAILERRA .  Natura eta senda belarrak.  Urtarrilak 11, igandea

Irteera Barakaldotik:
-10:00. Anaien parkeko bus geltokian Errekatxora joateko
-10:30. Errekatxoko elizan
Itzulera:
-14:30. Autobusez Errekatxotik.
-Jarraian bazkaria MAKALA II Gaztetxean (Norberak bere ogitartekoa)
-16:30. Senda belarren TAILERRA Gaztetxean
Antolatzaileak:
Barakaldoko Gazte Asanblada. BGA.
Eguzki Barakaldo

MENDI IRTEERA eta TAILERRA

Euskal preso politikoen eskubideen alde U10ean langileok Bilbora

Euskal langileok, euskal jendarteak, huts egin ezineko hitzordua dugu urtarrilaren 10ean Bilbon. Dispertsioaren aurka, eta euskal presoen giza-eskubideen alde Sare herritar plataformak antolatu duen mobilizazioaren bat egiten du LABek.

 LAB ere badoa Bilbora, euskal gatazkaren ondorio eta konponbidearen parte diren presoei ezartzen zaien dispertsioaren ondorioekin amaitu beharra dagoelako, eta premiazko aldarria delako, larria baita etxetik ehunka kilometrora espainiar zein frantziar espetxeetan sakabanaturik diren euskal presoen egoera, baita haien senide eta lagunek pairatzen dituzten ondorioak ere.

b_345_93_16777215_0___materiala_argazkiak_euskalHerria_euskalPresoak_14_12_30SareNow_now.png

Mobilizazioa ezinbestekoa da. Dispertsioarekin amaituz Euskal Presoak Euskal Herriratzeko aldarria saretzen joateko tenorea dugu. Dispertsioaren ondorioak orohar latzak badira, are larriagoak dira preso gaixoen kasuan. Herriz herri, auzoz auzo, lantokiz lantoki, gutako bakoitza, langileok, mobilizatuz eta aktibatuz. Lantokiak saretzeko konpromisoa du LABek, eta lan horretan murgilduta hasiko dugu 2015a ere, dispertsioaren aurkako aldarria, atxikimendua eta mobilizazioa lantokietara eramanez eta lantokietatik sustatuz.

Aroztegian PSISik EZ. Baztango aferak baztandarrek erabaki.

2015/01/04 12:00

Elkarretaratzea urtarrilak 4

 

aroztegia Baztan

ALARMA AROZTEGIAN: UGPS, PROMOTORE SUSMAGARRIAK ETA NAFARROAKO GOBERNUAREN ALDEKOTASUNA

Harrigarria baina egia. Nafarroa Auzitegi Nagusiak Aroztegiako egitasmo urbanistiko-espekulatzailea gelditu ondotik, enpresa bulkatzaileak Udalez Gaindiko Plan Sektoriala (UGPS edo PSIS gazteleraz) erabiliz betiko proiektua Nafarroako Gobernuarekin zuzenean tramitatuz egin nahi du, horrela Lekarozko herria eta Baztango Udala eta Batzar Nagusia bazter batean utziz. A ze demokrazia!

UGPSren eraginpeko lurrak, proiektuaren bulkatzaileenak izan edo ez, promotorearen eta Nafarroako Gobernuaren eskuetan geldituko dira. Lur-jabe ttikiak desjabetzekin, justiprezioekin eta gainerako erabakiekin erne ibili zaitezte!

Jentilzulo kulturgunea irekiko du Orozkoko Gazte Asanbladak

2015/01/02
2015/01/05

jentilzuloOrozkoko Gazte Asanblada 2010ean sortu zutenetik, dinamika eta ekintza ugari gauzatu dituzte hamarnaka gaztek. Halere, hasieratik izan dute alternatibak garatzeko espazio autogestionatu baten beharra, eta hutsune hori betetze bidean gaztetxea eraikitzeko lokal bat alokatu zuten. Baina, Orozkoko Udalak jarritako oztopoak medio, gaztetxea hustu eta utzi egin behar izan zuten.

Aitzitik, udalarekin elkarrizketa bide bat ireki eta proiektuarekin aurrera jarraitzeko hautua egin zuten, Orozkoko herritar guztientzat eskaintza alternatibo bat eraiki eta garatzea baitute helburu. Borroka horren emaitza da urte hasierarekin inauguratuko duten Jentilzulo kulturgunea, haur, gazte zein helduentzat kulturaren plaza.

Orozkoko Gazte Asanbladaren oharra:

“Euskal herritar paganoak sinbolizatzen dituzte jentilek, erraldoiak eta indartsuak, etsaiei harriak botatzeko ohitura dutenak”. Ba ongi etorriak izan gure babestokira, jentilzulora, Orozkoko lehen kulturgunera! Bide luze eta harritsua egin ondoren, hemen biltzen gara gure kulturaren seinale izango den koba honetan.

Pixoihaletan AHTak eta gastu militarrak gizarte eskubideak murrizten dituela salatzeko

AHTren aurka eta gizarte eskubideen alde, hainbat antimilitarista pixoihaletan kontzentratu dira Eusko Jaurlaritzako ordezkaritzan eta Espainiar Gobernuak Moyuan duen Azpiordezkaritzan gaur goizean.

Argazkia: noaltavahtgelditu.blogspot.com.es | Argazki originala

Ekintza honekin "gastu militarrak eta AHTak administrazioen baliabide ekonomikoetan egiten duten odolustea" salatu dute Bizkaiko dozena bat eragilek. Diru-xahuketa horren eragina "are larriagoa bihurtzen dute egungo krisialdi ekonomikoak eta gizarte murrizketek", gaurko agerraldian adierazi duetenez.

Egun hauetan administrazio ezberdinak 2015eko aurrekontuak onartzen ardi dira. Gehienek gizarte eskubideetan "murrizketak" egiten dituzten bitartean -osasunean, gizarte prestazioetan edota hezkuntzan-, "gastu militarrei eta azpiegitura erraldoiei bideratutako partidak handitzen dituzte".

Ministerio, eta sail guztiak batuta, 2015ko gastu militarren aurrekontua 23.374 milioi eurokoa izango da. Espainiar Estatuak, bestetik, 32.000 milioi euroko zorra dauka armagintza konpainiekin.

Bertso Saioa

2015/01/04 17:30

Etxerat

 

Rajoy eta Urkulluren krisia amaitu denaren diskurtsoa iruzur handi bat da

balorazioaLABeko batzorde sozio-ekonomikoak gobernuek eta erakundeek egin duten balorazio positiboa auzitan jartzen duen txosten bat aurkeztu du gaur prentsaurrekoan. Bea Martxueta, Politika Sozialetako Idazkariak, txostena aurkeztu du eta Ainhoa Etxaide, LABeko idazkari nagusiak, datu horiek aurrean izanda, sindikatuak egiten duen irakurketa politikoa luzatu du.

 EAEko eta NAFARROAko Gobernuen politiken balorazioa
Txostenak, sektoreei begiratuta, hobetu beharrean, egoera okerrera doala erakusten du. Lehen sektorearen (nekazaritza eta arrantza) esaterako, bilakaera negatiboa da eta hori gutxi balitz, multinazionalei lehentasuna emanez, elikagaien burujabetzatik urruntzen ari gara egunez-egun.

Industria sektorean ehunaren suntsipena bizkortuzen ari da, politika industrialeko estrategia eza ondorioztatzen duena LABen ustez. Araban esaterako, industriaren %30 suntsitu da dagoeneko.

Preso eta iheslarien alde 11 konpromiso hartzeko deia zabaldu dute Arabako zenbait herrietan

Iragan Abenduaren 19tik 30era Ernai Gazte Antolakundeak Denak Ala Inor Ez dinamikaren baitan, preso eta iheslarien aldeko aldarria gabonetan ere kaleetan presente egon eta honen inguruan konpromiso ezberdinak batu zitezen 11 konpromiso askatasunerantz dinamika abian jarri zuen.

Egun horietan zehar, Arabako zenbait herrietan preso eta iheslarien aldeko konpromisoak 11 modu ezberdinetan gauzatzen ikusi izan ditugu, 11 egun horietan Euskal Herrian zehar txandaka burutzen joan izan den baraualdia ardatz izanda.

Ondorengo kronika utzi digu elkartasun olatu honek: 

 

Garrantzitsuena parte hartzea da

Datorren igandean, euskal selekzioaren eta Kataluniakoaren gizonezkoen partida hasi aurretik, 19:00etan, desfile bat egingo du Jauzia egitasmoak. Bilboko Moyua plazatik abiatu eta Jesusen Bihotza plazan amaituko da.

bufandakDesfilean euskal selekzioen ofizialtasunaren eskaerarekin bat datozen kirolariek zein kirolari ohiek parte hartuko dute, nor bere kirolaren ezaugarriekin, Olinpiar Jokoetako desfileen antzera. Amaitutakoan, ekitaldi labur bat egingo dute Jesusen Bihotza plazan. Esanguraz beteriko bi abesti kantatuko dituzte -Mikel Laboaren Txoria txori eta Lluis Llachen L’estaca—, eta, amaitzeko, selekzioen ofizialtasunaren aldeko bufanda berde-horiak astinduko dituzte, Bilboko Kale Nagusiari «ofizialtasunaren kolore berdea» emateko.

Ekitaldiak «helburu xume eta argia» izango du, Jauziaren izenean Beñat Zarrabeitia kirol kazetariak eta Garazi Muniain futbolariak esan dutenez: «Gure kirol ordezkaritza proiektatzea eta nazioarteko lehiaketetan zein Olinpiar eta Paralinpiar Jokoetan euskal pabiloiaren barruan aritzeko eskubidea aldarrikatzea». Horretarako, «talde lanean aritzeko eta pausoak guztion artean zehazteko» eskatuko dute igandeko ekitaldiaren bidez.

Ikatza eta frantses hutsezko seinaleak ekarri dizkio Olentzerok Urruñako herriko etxeari

seinaleakUrruñako Euskal Herrian Euskarazek salatu du herriko etxeak ez duela inongo konpromisorik hartu zerbitzuak euskaraz ere gauzatzeko: “Eskua luzatu diogu eta ordainetan ukazioa besterik ez dugu jaso”. Egoera horren aurrean, frantses hutsean ziren seinaleak kendu eta herriko etxeari itzuli dizkiote. “Ez dugu gehiago onartuko Urruñan euskarak jasaten duen zapalkuntza, eta herriko etxeari eskatzen diogu bere eremu administratibo osoan euskara errespetarazi eta errespetatzea”, adierazi dute.

Urruñako Euskal Herrian Euskarazen oharra:

Euskararen herrian bizi gira, bainan euskarak erasoak besterik ez ditu jasaten. Urteetan zehar, estatu desberdinek beraien hizkuntzak inposatu dizkigute, gurea ezabatzeko asmoz. Hizkuntza politika ankerrak erabili dituzte, bainan herritarren kemenari esker, euskara aurrera doa!

Inposaketa horiei ekiditeko, orain hilabete batzuk “Herriko etxeak eta biok euskaraz” dinamika martxan ezarri genuen Euskal Herrian. Dinamika honek esplikazio garbia du: herriko etxea da herritarrongandik hurbilen den administrazioa, eta baditu hizkuntza politika egiteko konpetentziak. Hortaz, herriko etxeari euskaraz bizitzeko dugun nahia errespetatu eta honekiko harremanak euskaraz izateko dugun eskubidea bermatzeko eskaria bideratzea da helburua.

Udalbiltza eta Euskadiko euskal pilotako federazioaren arteko elkarlanerako markoa

pilota

Donostiako kirol etxean gaur goizean ospatu den prentsaurrekoaren bitartez, ezagutzera eman da Euskal Pilotako Euskadiko Federazioa eta Euskal Herriko udal eta udal hautetsien biltzarraren (UDALBILTZA) arteko elkarlanerako akordioa. Akordio honen ondorioz Euskal Selekzioa eta México-ren arteko 4 pilota jaialdi antolatu dira.

Unai Legarretak, Euskadiko euskal pilotako federakundearen Kirol idazkaria, eta Mertxe Aizpuruak, Udalbiltzako Lehendakari Anderea, sinaturiko akordioaren lehen gauzapen praktikoa izango dira abenduaren 28 eta urtarrilaren 4a bitarte Euskal Herriko lau pilotalekutan Munduko txapeldunaren aurka, Mexiko, jokatuko diren jaialdiak.

Gaurkoa hasiera besterik ez da izan, nazio instituzioak hemendik aurrera kolaboraziorako gonbitea egingo die borondatea duten federazio, erakunde zein eragile orori.

Borondate horren adierazle dira eguberritako testuinguruan ospatuko diren partidu eta ekitaldi desberdinak. Euskal selekzioaren eta Kataluniaren artean jolastuko diren hiru norgehiagokak, (Areto futbola Santurtzin, emakumezkoak Barakaldon eta gizonezkoak Bilbon) zein aurrerantzean FIFA datetan jolasteko erabakiak. Euskal Errugbiko selekzioak data berdinetan Kataluniara egingo duen bidaia, eta saski baloian Euskal Herria, España, Hungaria eta Polonia artean abenduak 27an ospatuko den Txapelketa edo Basaurin zein Irunen Cubaren aurka jokatu ziren eskubaloi partiduak.

2014-12-25 - Kontzentrazioa Iruñean, PPren egoitzaren aurrean

Aurten ere, azken lau urtetan bezala, gabon gauean 30 pertsona elkartu dira Iruñean, PPren egoitzaren aurrean,

Euskal preso politikoak Euskal Herrian bizitzeko eskubidea aldarrikatzeko, Hurrengo lelopekin:

  • “Otras Navidades sin nuestros familiares”
  • “Gabon hauetan ere gure senideak gabe”
  • “Euskal Preso eta Iheslariak Herrira”
  • “La dispersión mata”

arg

Jai egunak “bizitzeko” dira, ez lan eta kontsumitzeko

aqui0.jpgAstebukaera honetan hainbat ekimen burutu dira jai egunetan komertzioen irekiera salatzeko. Ostiralean Sestaoko eta Oiartzungo Carrefour supermerkatuen aurrean elkarretaratzeak egin ziren "Jai egunetan denok jai! Apertura en domingos y festivos aquí 0" lelopean. Igandean Iruñeko Alde Zaharreko hainbat eragilekin batera LABeko delegatuek Nafarroako Gobernuak merkatalguneak irekitzea baimentzen dituen araudia salatu zuten.

Inkomunikazioa eta Tortura: Istanbuleko Protokoloan oinarritutako azterketa egituratuta

Pasa den ostiralean, hilaren 19an, “Inkomunikazioa eta Tortura: Istanbuleko Protokoloan oinarritutako azterketa egituratuta” ikerketa aurkezteko asmoz trebakuntza jardunaldia egon zen Bilboko Abokatu Bazkunean. Bilkura, Jaiki Hadi, Eskubideak, Herriari egia eta Istanbuleko Protokoloan oinarritutako txostenaren egileek deituta izan zen.

Lan saioak, zeinak “Estanbuleko Protokoloaren aplikazioa atxiloketa inkomunikatuan” izenburua izan zuen, 1982 eta 2010 urte bitartean inkomunikaziopean atxilotutako eta torturak edota tratu txarrak salatu zituzten 45 euskal gazteen kasuak aztertzean izandako ondorioak aztertu zituen, ikuspegi ezberdinetatik abiatuta. Azalpen honetarako, Jaiki Hadiko kide eta psikologoa den Oihana Barrios, Benito Morentin mediku forensea eta Argituzeko kide den Andres Krakenberger aritu ziren mahaian. Denak ikerketaren egileak.

Bizkaia: Hegoaldeko Tren-Saihesbidearen mehatxua gorpuzten ari da

2011 urtean, defizitarioa, ingurumenarekiko suntsikorra eta beharrezkoa ez den Supersur-AP8a inauguratu zenean, (HTS) Hegoaldeko Tren-Saihesbidearen eraikuntza iragarri zuten luze barik: trenbidearen zati bat Supersur autobiaren ondo-ondoan kokatzekoak ei ziren, eta, gisa horretan, autobideak eragindako kalte ekologikoak, paisaia-kalteak eta kalte akustikoak ugal zitezkeen.

Halaber, HTSak Supersurraren antzeko helburuak lituzke: Salgaiak Superportutik atera eta A8ren trafikoa arintzea.

Egitasmoa 2008an geldiarazi zuten bi arrazoigatik: krisi ekonomikoa eta gauzatzeko zailtasuna. Hala ere, Espainiako Gobernuak Seranteseko Tunela irekitzea erabaki duenez gero, HTSren balizko eraikuntza berriro jarri du mahai gainean.

Antza, Serantes mendiko Tunelaren irekierak, HTSa eraiki gabe, Superportutik abiatuko diren salgai-trenen zirkulazioa ugarituko omen luke, eta horrek Ortuella eta Trapagako biztanleei eragozpen zein arrisku handiagoak ekar liezazkieke; horren aurrean, bada, herri horietako alkateek ozen eskatu dute HTSa eraiki dezatela. Ulergarria da: epe labur-ertainean beharrezkoa ez den desarrollismo suizida nahi dute, alabaina, ez dute horrek sor liezaiekeen inongo eragozpenik nahi. Eta horiek ekidite aldera, beti egon daitezke naturaguneak, nahiz eta gero eta gutxiago izan, non sar dezaketen euren herrietatik igarotzea nahi ez dutena. Neurrigabeko desarrollismoa gura duenak ondorioak hartu beharko lituzke bere gain. Eta bere burua ingurugiroaren defendatzailetzat duenak ez luke horrelako egitasmoen eraikuntzarik galdegin beharko.

Syndicate content