Skip to Content

Indiferentziarik ez Mexikoko ikasleen masakrearen aurrean!

Ikasle Abertzaleak eta Askapena antolakundeetatik gure elkartasun mezua Mexikoko ikasle normalistei:

Jada hilabete pasa da Ayotzinapako (Guerrero) eskola bateko 43 ikasle modu fortzatuan desagertu zirenetik eta modu extrajudizialean 3 ikasle erail zituztenetik: Julio César Ramírez, Daniel Solís Gallardo, Julio César Mondragón eta beste 20 ikasle zauritu. Ekintza hauek Iguala eta Coculako Polizia Munizipalaren eskutik etorri ziren Guerreroko Estatuan, Mexikon.

Mexikoko Estatua, bere itxurakeria demokratikoaren azpitik Estatu faxista bat besterik ez da. Narkoen kontrako gudaren aitzakiapean, herriaren kontrako sarraski indiskriminatuak egiten dituelarik, nazioarteko komunitatearen konplizitate osoa dauka. Orain ekarri dugun kasua beste askoren jarraipena besterik ez da. Eta Mexikoko Estatu autoritarioaren markoan kokatu behar dugu. 68ko maiatzean egin bezala, ikasleak jarri dituzte jo puntuan oraingoan, baina berdin gertatu izan da Txiapas, Oaxaka, Atenko edota beste lekuetan. Burua altxatzen duen oro hori galtzeko arriskuan egongo da, baina urteetan zehar Mexikar herriak erakutsi du ez dela egongo polizia, militar edota paramilitarrik hau kikilduko duenik.

Beraz, Ikasle Abertzaleak eta Askapenatik elkartasun mezu hau helarazi nahi diogu Mexikoko herri borrokalariari, bertako ikasleriari eta bereziki Ayotzinapan desagertutako 43 ikasleei, nola, hauen familia eta lagunei. Estatu faxisten aurrean elkartasuna eta borroka!

Bizirik eraman zenituzten eta bizirik nahi ditugu gurekin!

ELKARRETARATZEA Hau al da zuen jasangarritasuna? AHTrik Ez!

2014/11/05 17:00

kartela_KURSAALKontzentrazioa asteazkenean Donostiako Kursaalean AHT eta proiektu txikitzaileak salatzeko:  

“Hau al da zuen jasangarritasuna? Proiektu txikitzaileak Stop! AHTrik EZ!”

Datorren asteazkenean, azaroak 5, Donostiako Kursaal jauregian Eusko Jaurlaritzak “25 urte jasangarritasunaren alde” izenburupean eta Urkullu lehendakaria eta Ana Oregi kontseilariaren partehartzearekin antolatu duen ekitaldia dela eta, protesta kontzentrazioa deitu du AHT Gelditu! Elkarlanak,  arratsaldeko 5etan, Kursaalaren atarian bertan AHTren eta proiektu txikitzaileekiko oposizioa adierazteko. Kontzentrazio hori “HAU AL DA ZUEN JASANGARRITASUNA? PROIEKTU TXIKITZAILEAK STOP! AHT-RIK EZ!” lemapean egingo da, hain zuzen ere Euskal Gobernuak antolatu duen ekitaldiaren izaera propagandistikoa salatzeko: izan ere, azken 25 hauetan zehar hain juxtu bultzatu dituen AHTren makro-proiektuarekin eta beste hainbat azpiegitura-lan handirekin ingurumenari, gizarteari eta ekonomiari eragin zaizkion kalteak estali nahi ditu euskal gobernuak. “Aurpegi garbiketa” hori salatzen dugu beraz, lurraldeari eta gizarteari hainbeste kalte eragin dizkion garraio- eta azpiegitura- politika desarrollistak eta txikitzaileak hitz politekin zuritu nahi dituelako gero.

AHT Gelditu! Elkarlana 

XVIII. POLITIKA SOZIALEKO BILTZARRA

2014/11/13
2014/11/14

kartelaAurtengo Kongresuan, gizarte ekimen kolektibo ezberdinek bazterketa modu anitzei aurre egiteko burutu duten borroka, lan eta bitartekaritza esperientziak aintzat hartuko ditugu: esplotatzea, pobrezia, sexismoa, xenofobia, migrazioa, espekulazioa, gaixotasun mentala, adikzioak, kriminalizazioa eta etxegabetasuna.

Era honetan, Kongresuak, gaur egun luzapen zein intentsitatean areagotu diren bazterkeria prozesu eta ezberdintasunei aurre egiten dien erantzunen inguruan eztabaida zientifiko eta kritikoa bultzatu nahi du.

Horrela, etorkizuneko gizarte baztertzaileari eta bere efektuei aurre egiteko elementuak eskaini nahi dira, aurre egiteko funtzioa duten politika sozialak sendotzeko beharra azpimarratuz. Politiken kudeatzaile, hainbat instituzio sozial, ekonomiko eta juridikoekin harremanetan dauden profesional zein akademikoen parte hartzeari esker diagnosi eta ekintzarako proposamenak egin nahi dira. Baita instituzionalak ez diren mugimendu eta dinamikekin harremanetan daudenetatik ere, hau da, pertsona kaltetu eta solidarioen ardura sozialetik jaio diren maila ezberdineko instituzio eta administrazioekin harreman anitza duten sorturiko proposamen eta zerbitzuetatik.

AHT: Mugituko kideen kontrako zigorra berretsi du Auzitegi Gorenak, tartakadengatik

Mugitu! Mugimenduaren prentsa oharra: Auzitegi Goren espainiarrak Barcina tartakatzeagatik epaituriko lau pertsonen aurkako epaia berretsi eta gero, Mugitu! Mugimenduak, hauxe adierazi nahi du:

1.- Kondena hau erabat neurrigabea dela salatzen dugu. Munduan barna tartakatze politikoa erabiltzeagatik inoiz jaso den kartzela zigor handiena dela salatu nahi dugu. Ez da ezagutzen salaketa politiko hau erabiltzeagatik (toki batzuetan erruz erabiltzen dutena) hilabeteren bat baino gehiagoko zigorrik jaso duen tartalaririk.

2.- Barcinaren porrota. Nafarroako Foru Erkidegoko Lehendakari, Yolanda Barcina Angulok, AHTren aurkarien kartzelatzea bilatu zuen obsesiboki, eska zitezkeen kartzela zigor handienak eskatuz (9 urte Gorkarendako eta 6na urte Julio, Ibon eta Mikelendako. Kartzela saihestu eta AHTren aurkako borrokan jarraitu ahal izatea Barcina anderearen porrot garbia dira.

3.- Zigorraren mantentzeak epaia politikoa dela berresten du. Iazko abenduan adierazi genuen bezala, epaiketa politiko baten aurrean gaude. Ondorioz, zigorra ere politikoa dela salatzen dugu. Orduan bezalaxe, tartalariak zigortzeko asmoa dago, baina era berean, hauen kartzelatzea saihestu nahi dute, tartakada batzuengatik jendea kartzelatzea eskandalu hutsa bailitzateke.

4.- AHTren aurka borrokan jarraitzeko konpromisoa. Ezin ahantzi hau guztia, AHTren aurkako borrokaren baitan gertaturikoa dela. Hori dela eta, tartalariek AHTren aurkako borrokan tinko jarraitzearen aldeko konpromisoa aldarrikatzen dute. Mugitu! Mugimenduak, era berean, euskal jendartea azpiegitura suntsitzaile, diru xahutzaile eta ustel honen aurka borrokan jarraitzera hots egiten du.

Gizarte eta kultur eragileek babesa agertu diote Ziburuko ikastolari

Ziburuko ikastolaren aurkako erasoa euskal kulturaren eta Euskal Herriaren aurkakoa dela nabarmendu dute euskalgintza, kultura eta gizarte arloko hamaika lagunek.

Gizarte eta kultur eragileek babesa agertu diote Ziburuko ikastolari

Gaurko agerraldia (Jon Urbe / Argazki Press)

Gizarte, kultura eta euskalgintzako hamarnaka eragile eta pertsona bildu dira gaur Ziburuko Kaskarotenea ikastolari babesa emateko, Donostiako Ikastolen Etxean. Agerraldian izan dira, besteak bertze, AEK, Udalbiltza, ELA, LAB, Berria, Ernai, Bertsozale Elkartea, Gazte Abertzaleak eta Euskal Herrian Euskarazeko ordezkariak, Kike Amonarriz aurkezlea zein Eneritz Zabaleta bertsolaria.

Udalbiltzak babesa adierazi dio igandean Arrankudiaga-Zollon egingo den kontsultari

Mertxe Aizpurua Udalbiltzako lehendakaria Arrankudiaga-Zollora joango da igandean, azaroak 2, udalerri horretan antolatu duten herri galdeketari babesa adieraztera. Kontsulta horretan parte hartzen duten herritarrek galdera honi erantzungo diote: Nahi duzu euskal estatu subirano bateko herritar izan?

Udalbiltzako hautetsiok, gizartearen gehiengoak bezala, euskal herritarrok gure etorkizuna libreki erabakitzeko eskubidea dugula uste dugu, eta orain arte eta hemendik aurrera ere antolatzen diren herri kontsultak babestuko ditugu. Ildo horretan, Arrankudiaga-Zolloko "Ados" plataformak egindako lana txalotzen dugu, bai eta zoriondu ere bertako herritar guztiak, igandean gauzatuko den ariketa demokratikoa abian jartzeagatik.

argazkiak

 

Ibon Fernandez Iradi larriki eri egon arren: askatzeko erabakia atzeratu dute!

Concentración ayer en Baiona por la libertad del preso gravemente enfermo Ibon Fernández Iradi

- Etxerat Ni Ere Banoa ekimeneko kide den heinean, ekimeneak adostutako testuarekin bat egiten du.

Dei auziaren emaitza jakin da gaur. Ibon Fernández preso mantentzearen aldekoa da. Dei auzitegiak ez du suspentsioa eskaerari erantzun izan nahi gaur eskatuz 3. azterketa mediko bat. Modu honetan behartzen dute Ibon preso egoitea 5 hilabete gehiago auzia emanez 2015-eko martxoaren 28an, jakin gabe askatuko duten. Argiki erran dezagun, erabakia zinikoa eta onartezina da!

Oroitaraz dezagun zein den Ibonen egoera. Larriki eri diren 10 euskal preso politikoetarik bat da. Esklerosi anizkoitza bat du eta ezin dio eritasunari behar den bezala aurre egin, ez bada askatua. Bi mediku eadituen konklusionea zen alta auzitegiak hirugarren azterketa bat galdegiten du, jakinez bi urte pasa direla eskaera egin zenetik.

Ez gaitezen tronpa. Ibon preso atxikitzea erabaki politikoa da.

Beste behin, frantziar gobernuak espainiar gobernua segitzen du, bake prozesuaren aldeko urrats ttikiena ere egitea ukatuz. Ibilmolde horrek, Ibonen kondenaren etetea ukatzera darama, nahiz eta oinarrizko giza exijentzia izan. Ibilmolde hori gainera, Euskal Herriaren eskaera masiboaren kontra doa : Frantziar estatua – espainiarra bezala – bake prozesuan engaiatu behar da, duela hiru urte Aieteko konferentziarekin eta ETAk armak uztea iragartzearekin sortu den egoera berri hontan eztabaida bultzatu behar du.

Kurdistango borrokari elkartasuna adierazteko mobilizazioak Iruñea eta Bilbon

2014/10/31 19:00
2014/11/01 14:00

Datorren urriaren 31ean eta azaroaren 1ean, Kurdistango borrokari elkartasuna adierazteko mobilizazioak burutuko dira Iruñean eta Bilbon hurrenez hurren.

Azaroaren 1ean, larunbata, Europa osoan mobilizatzeko deialdia luzatu dute. Zehazki, EUTCk (EU Turkey Civic Comission) egin du, Turkiak Europar Batasunarekin bat egite aldera jarritako irizpideak betetzen dituen aztertzen duen hiritar erakundeak. Kurdistango Nazio Kongresuaren (KNK) babesa ere jaso du.

Deialdiari erantzunez, Iruñean Askapenak eta Bilbon Herri Kurduarekin Elkartasun Ekimenak mobilizazioak antolatu dituzte Kobaeinen (Kurdistan) ematen ari den erresistentziari elkartasuna eta sustengua adierazi eta Estatu Islamikoa eta horren aurrean mendebaldeko gobernuek duten pasibotasuna errefusatzeko.

IRUÑEA: urriak 31, elkarretaratzea Sarasate pasealekuan (parlamentuaren aurrean) 19:00etan

BILBO: azaroak 1, manifestazioa Bilboko udaletxetik abiatuko da 12:00etan

 

Burujabetza energetikorako gida

Burujabetza energetikorako gida aurkeztu diegu Nafarroa Behereko zenbait enpresaburu, hautetsi eta garapen agenteri

Baionako Merkataritza Ganbarak eta 'Indar Développement' taldeak 'Matinées de l'energie' (Energiaren goizak) antolatu dituzte egun hauetan Donazaharren; mugaz bi aldeetako bilkurak dira, enpresetan energia erabiltzeko moduei buruz informazioa trukatzeko eta gogoeta egiteko. Gaur osteguna bigarren jardunaldia egin da, eta bertan Udalbiltzak 'Euskal Herriaren burujabetza energetikorantz joateko gida' aurkeztu die Nafarroako Behereko zenbait enpresaburu, hautetsi eta garapen agenteri. Xabier Zubialdek zuzendu eta Gipuzkoak Foru Aldundiak egindako ikerketa da, Donostiako eta Zazpiak Bat elkartearen laguntzarekin.

argazkiak

Lan jardunaldi hau Lea Artibai (Bizkaia), Debagoiena (Gipuzkoa), Amikuze, Garazi-Baigorri eta Iholdi-Oztibarre (Nafarroa Beherea) eskualdeetako garapen agenteek sustatutako 'Eraikinn' programaren barnekoa da. Xabier Zubialde bera arduratu da ikerlana aurkezteaz, eta ondoan Nikolas Blain izan du, Udalbiltzako Nazio Gobernuko kidea eta Makeako hautesia.

Iparra galdu gabe 2014

2014/10/31
2014/11/04

iparra-galdu-gabe-20142014ko urriaren 23tik azaroaren 4ra, Getxoko Herriko Etxeak eta Euskal kultur erakundeak Iparra galdu gabe ! kultur zikloaren edizio berri bat antolatzen dute. Helburua, ipar Euskal Herriko kultura Bizkaitar herriko biztanleei hobeki ezagutaraztea da. 

Euskal kultur erakundeak 10 urte baino gehiago daramatza harremanetan Getxoko Udalarekin eta harreman horretatik sortu da Iparra galdu gabe ! kulturaldia antolatzeko ideia. Programazio hau bi urtez behin egiten da, Ipar Euskal Herria Getxon ezagutzera emateko helburuarekin.

Aurtengo programazioan besteak beste, Itxaro Borda Boga boga liburuaz arituko da, Eneko Bidegain-ek mintzaldibat eskainiko du Munduko lehen gerla - Iparraldean samina, Bizkaian aberastasuna gaiaren inguruan, Odei Barroso eta Xabi Paya berbetan eta bertsutan arituko dira iparraz eta hegoaz. Bestalde, Gastro kontzertua izanen da Philippe de Ezcurra (akordeoia), Kattalin Indaburu (kantua) eta David Arriola (saxofoia)-rekin.

Hilabete internazionalistari

2014/11/13 19:00

Hilabete Internazionalista antolatu dute Donostiako Ernai eta Askapenk elkarlanean eta gaur emango diote hasiera ekimenari Donbaseko herri erresistentziaren inguruko hitzaldiarekin Txantxarreka Gaztetxean.

Pasa den ikasturtean izan zuen harrera ikusita, beste urte betez eta elkarlanean berriz ere, egungo borroka eta herri erresistentziak gurera ekarri eta berauetaz ikasi, hausnartu eta eztabaidatzeko espazioa ireki nahi dute bi antolakundeek Hilabete Internazionalistarekin. Horretarako, datozen asteerako lau hitzaldi antolatu dituzte Donostiako txoko ezberdinetan

Ukraniako inperialismoaz eta Donaseko herri erresistentziaren ekingo diote dinamikari. Horretarako Asier Blas EHU-ko irakaslea eta Lur Gil, Banda Bassottirekin brigadan joan den kideak gako interesgarri ugari eskainiko dizkigute, benetan Europa ekialdean gertatzen ari denaz ikasi eta aktore ezberdinek jokatzen dituzten paperak ulertzeko. Urriak 29, 19'00etan Txantxarreka Gaztetxean (Antiguo)

Ni ere banoa

2014/10/30 18:30

Etxerat elkarteak bihar "Ni ere banoa" ekimenak antolaturiko elkarretaratzearekin bat egitera deitu du

Era berean, ostiralean Lasarteko herritarrek deitu duten mobilizazioan parte hartzera deitu du. 

 Ibon Fernandez Iradi larriki eri den presoak bihar HILAK 30 jasoko du zigor suspentsio galderari erantzuna. Hori dela eta, Etxerat-ek "NI Ere Banoa" ekimenak antolaturiko mobilizazioan parte hartzera deitzen du, bihar, Baionan. Era berean, Lasarteko herritarrek ostiralerako antolatu duten mobilizazioan parte hartzera deitu du presoen senide eta lagunen elkarteak. 

Ibon larriki eri dagoen euskal preso politikoa da. Horregatik, kalean egoteko eskubidea du. Giza Eskubidea. Espetxeak ezin du bere gaixotasuna hartatu. Ibon etxean behar du.

 Banoa

 

Ibon Fernandez Iradi larriki eri den presoaren zigor suspentsio galdearen erantzuna.
Urriaren 30-ean, Arratsaldeko 6.30-etan
Elgarretaratzea Baionako suprefekturaren aintzinean.
Giza eskubideak, konponbidea, Bakea!
Ibon Fernandez Iradi Askatu!
Beraren buruzko bideo hemen: http://nierebanoa.org/2014/10/28/ibon-fernandez-iradi-larriki-eri-den-presoari-buruzko-30-min-dokumentala/?lang=eu

 

Laranjaz blaitu!

2014/11/08 17:30

Azaroaren 8ko mobilizazio laranja Gobernu Ordezkaritzaren aitzinean herri harresi bat osatuz amaituko da

 

Iruñerriko Herri Harresiak mobilizazioa deitu du datorren azaroaren 8an Iruñean. Segiko kide izatea leporatuta Entzutegi Nazionalean epaitzen ari dituzten 28 gazteen absoluzioa eskatuko du horrela. Tartean 9 iruñerritar daude eta horietarik bi, Imanol Salinas eta Xabier Arina, Soto del Realen espetxeraturik daude Loiolako Askegunean atxilotuak izan ostean.

17:30ean emanen zaio hasiera ibilaldiari Antoniuttitik. Parte-hartzaileei laranjaz jantzita etortzeko deia luzatu nahi diegu. Baita, traktore zein ileorde, edozein tankerako traste laranjak ekartzekoa. Berez ez da pankartarik egonen, guztiok izanen baikara pankarta. Herri Harresi bat osatuz eginen dugu aurrera elkarri besotik helduta. Amaierako ekitaldia Merindadesen burutuko dugu Gobernu Ordezkaritzaren aitzinean. Bertan inputatutakoen inguruan harresi laranja erraldoia osatuko dugu.

Euskararen normalizazio prozesuaren geroaz

2014/11/04 19:00

Hurrengo asteartean izango da, Durangoko San Agustin Kulturgunean, 19:00etan. EHEk iragan, orain zein etorkizunari so egiteko baliatuko du urteurrena.

EHEk mahai ingurua antolatu du 35. urteurrenean

Gonbidapena

EHEk antolatuta, azaroaren 4an “Euskararen normalizazio prozesuaren geroaz” mahai ingurua egingo da Durangoko San Agustin Kulturgunean. Berria egunkariko Iñaki Petxarromanek moderatuta, Gotzon Barandiaran kulturgilea, UEMAko Maren Belastegi eta Kontseiluko Paul Bilbao saiatuko dira euskararen normalizazioaren geroak dakartzan korapiloak askatzen.

Lekua eta data ez dira ausazkoak. Izan ere, 1979ko azaroaren 4an, orain ia 35 urte Durangon sinatu zen EHEren sortze agiria. Efemeridea aitzaki, eta lan urte honetan eragile euskaltzaletik etorkizunera begirako hausnarketa saioa abian jarriko dutela kontuan hartuta, euskararen normalizazio prozesuan jarduten duten ahotsak batu nahi izan ditu EHEk, euskararen normalizazioaren geroaz duten ikuspegia jasotzeko eta berau zabaltzeko.

Udalbiltzak eredugarritzat jotzen du Errigora herri ekimena, eta parte hartzera deitzen die bai herritarrei bai udalei

argazkiak

Erriberako euskarazko irakaskuntzari, euskalgintzari eta nekazaritzari laguntzeko auzolanean osaturiko Errigora ekimena gaur abiatu da berriro udazkeneko kanpainarekin. Dagoeneko hirugarren aldia da oraingoa, eta iazko kanpainak aurreko urtea gainditu baldin bazuen, aurtengoak iazkoa gainditzea jarri dute helburu. Errigora ekimenaren funtzionamendua ez da bat ere korapilatsua: Erriberako nekazariek ekoitzitako produktu sorta batez osatutako saskiak saltzen dira merkatuko prezioan, eta haietatik lortutako irabaziak Erriberako euskalgintzara bideratzen dira. Bitartekaritza auzolanean egiteak bideratzen du irabaziak lurralde horretako euskalgintzara iristea.

Aurten, irabazi horiek Erriberako ikastoletara, AEKra eta Sortzenek abian duen "Euskaraz bizi eta ikasi" herri ekimenaren "Hamarratz" proiektura bideratuko dira.

Zazpiak Bat, AEK, Ikastolak eta "Sortzen" dira Errigora ekimenaren partaide nagusiak. Bakoitzak bere esparruan kanpaina garatzeko konpromisoa hartu du. Horiez gainera, dozenaka dira kanpaina honetan hainbat herritan parte hartuko duten euskara elkarte, kultur etxe, taberna, udal, lantegi eta kontsumo elkarteak.

ERRIGORA: eskaera puntuak

Udal eta udal hautesien biltzarrak eredugarritzat jotzen du Errigora herri ekimena, eta laguntzera eta parte hartzera deitzen ditu bai herritarrak bai udalak, ekimena guztiz bat datorrelako Udalbiltzaren printzipio eta helburuekin:

“Euskal Herriak bidelagun gaitu” kanpaina aurkeztu dute EHL sareko kideek Leitzan


Euskal Herriaren Laguna (EHL) sareko kideek Madrilen burutuko duten manifestazio internazionalista batekin emango diote amaiera kanpainari.

Leitza izan dute aurtengo ikasturte hasierako topaketetarako bilgune eta Alemania, Italia, Irlanda, Paris, Madrid, Aragoi, Andaluzia, Portugal eta Herrialde Katalanetako EHL sareetako 25 ordezkari batu dira. Bertan Euskal Herriko askapen nazional eta sozialaren aldeko borrokan beraien konpromisoa berretsi eta ikasturte honetarako lan ildoak zehaztu dituzte.

“Euskal Herriak bidelagun gaitu” lemapean burutuko den urte osoko kanpainarekin Euskal Herriak bizi duen errepresio egoera eta adierazpen ezberdinak lantzeaz gain, herri libre eta sozialista baten eraikuntzan arlo ezberdinetan ematen ari diren pausuak ezagutzera emango dituzte.

Leitzan eginiko agerraldian Ezker Abertzaleak eginiko estrategia aldaketatik 5 urte igaro badira ere Estatuek berdin jarraitzen dutela salatu dute. Horregatik, “Euskal Herriak bidelagun gaitu” lemapean ikasturte osokorako bi lan ildo nagusi markatu dituzte.

Osinbeltz eta errauskailuaren oroitzapen tristea

en las obras1

Legegintzaldia hasi zenetik, Gipuzkoan errauskailua inposatu nahi ziguten alderdi politikoen diskurtso politikoa nabarmen aldatu da. Legegintzaldi hasieran, hondakinen plan alternatiboa ez zuten bideragarria ikusten. Oker zebiltzan. Ondoren, politika higatzailea bultzatu zuten, atez atekoaren eta bosgarren edukiontziaren arteko eztabaidan sakonduz. Gaur egun, eztabaida hau agortuta dagoela esan dezakegu. Horregatik, azken aldian, beraien diskurtsoa zabortegien kritikara bideratu dute. Gai honetan, zorrotzenetan zorrotzen beraiek direla sinetsarazi nahi digute (zorroztasun hau denboran atzera eginda nabaria da itxurazkoa eta faltsua dela) eta bide batez, errauskailua eraiki izan balitz, zabortegiaren inguruan dauden arazoez ez genukeela hitz egin beharko esaten digute.

Errauskailuari buruzko azkeneko adierazpena faltsua da. Errauskailuak ez dira zabortegiekiko alternatiba, ezinbestean zabortegia behar baitute. Gainera, zabortegi bereziak behar dira hondakin toxikoak eta arriskutsuak kudeatzeko. Bizkaiara begiratu besterik ez dago, bertan urteak baitaramatzate Zabalgarbiko errauskailuan oinarritutako hondakinen politika egiten eta zabortegiek irekita jarraitzen dute. Gainera, zabortegietako batean, Zallan hain juxtu, errauskailuko zepa irregulartasunez jasotzen dute. Zalantzarik gabe, gai honetan lehen aipaturiko alderdi politiko batzuen zorroztasuna Gipuzkoara bakarrik mugatzen delako.

Portugaleten liburutegi duina eskatzeagatik epaitutako 13 gazteak absolbiturik!

argEkainaren 2an Portugaleteko udal liburutegian protesta bat burutzeagatik, aurreko astean epaituak izan ginen 13 gazteak absolbituak izan gara. Epaileak frogatutzat ematen du liburutegiaren itxiera orduan bertan geratu ginela, eta, eskatu ziguten bigarren aldian identifikatu ginela, lehenengo aldian kalean identifikatu nahi genuela adierazi baikenien. Hala ere, han egon ginen denbora, guk geuk gure kabuz bertatik ateratzeko nahia azaldu genuela eta han bertan identifikatuak izateko arazo gehiagorik ipini ez genuela kontutan hartuz, gure jarrera inongo delitua ez dela konfirmatu du epaileak.

Eskatu gabe, zirku bateko protagonistak izan ginen. Ez zaigu inoiz ahaztuko epaileak udaltzaingoaren ahotik gu liburutegian bertan identifikatu eta banan-banan arazorik gabe atera ginela entzutean ipinitako harridura aurpegia. Ezin zuen sinestu hori epaitegi batetara heldu izana.

Euskal Herrian finantza-sistema Publiko baten aldeko mobilizazioa Donostian

Gaur Kutxako batzarrak Kutxa banku-fundazio bihurtzeko erabakia hartuko du, EAJ, PP, PSE eta CCOOen aldeko botoarekin. Eraldatze honekin Kutxen gaineko kontrol publiko eta soziala erabat galduko da, eta Kutxabank guztiz pribatizatzeko eta akzioak kapital pribatuari saltzeko bidea hasiko da. 11:00etan akanpada batetik ekimenari hasiera eman zaio, 12:00etan prentsaurrekoa izan da eta 15:00etarako kazerolada deitu da.

Plataforma

“Euskal Herrian finantza sistema publikoa, Kutxak-Kutxabank pribatizaziorik ez” plataformaren irakurketa

Euskal Herrian finantza-sistema Publikoa
Kutxak-Kutxabank pribatizaziorik ez

“Euskal Herrian finantza sistema publikoa, Kutxak-Kutxabank pribatizaziorik ez” plataformak dei egiten die Euskal Kutxak-Kutxabanken bankarizazio eta prekarizazioak kaltetutako sektore guztiei urriaren 24rako antolatu duen akanpada eta kontzentrazio zaratatsuan modu aktiboan parte hartzera. Donostiako Andiak kalean burutuko da akanpada, goizeko 10etatik aurrera eta kontzentrazioa, arratsaldeko hiruretatik aurrera. 

Urriaren 24an batzarrak erabakiko du Kutxa banku-fundazio bihurtzea, EAJ, PP, PSE eta CCOOen aldeko botoarekin. Eraldatze honekin Kutxen gaineko kontrol publiko eta soziala erabat galduko da, eta Kutxabank guztiz pribatizatzeko eta akzioak kapital pribatuari saltzeko bidea hasiko da.

Kaskarotenea indarrez husteko mehatxua egin du Ziburuko auzapezak

Euskal Herri osoko ikastoletako 200 bat kidek babesa adierazi diote Ziburuko ikastolari, eta azaroaren 8ko manifestazioan parte hartzeko deia luzatu dute.

Pasa den ostiralean uxerra Kaskarotenea ikastolatik pasatu eta 4.300 euroko isuna jarri ondoren, Ziburuko auzapezak Kaskarotenea ikastolaren egoitza uzteko agindu du. Bertakoek agindua betetzen ez badute "indarrez (jendarmak erabiliz)" kanporatuko dituztela ohartarazi die ikastolako kideei. Horren aurrean, prentsaurreko jendetsua egin dute gaur.

Guy Poulou Ziburuko auzapezak Ziburuko Kaskarotenea ikastolako arduradunei igori dien oharra argigarria da: "Okupatzen duzuen lekua jendez eta objektuz husteko agintzen dizuet. Hala egin ezean, kanporatzea gauzatzera behartuta ikusiko dut nire burua, beharrezkoa balitz, indar publikoaren laguntzarekin".

Syndicate content