Skip to Content

Euskal Herriko hainbat eragile sozialok Euskadiko Nekazari-elikagaien Kooperatibaren Federazioari Israelera egiteko duten bidaia bertan behera uzteko eskatu diogu

Euskadiko Nekazari Elikagaien Kooperatiben Federazioak, Euskadiko Kooperatiben Kontseilu Gorenaren, Eusko Jaurlaritzaren eta Euskadi-Israel Kultura Elkartearen (Havtajá) laguntzarekin, bidaia bat antolatu du Israelera, aurtengo abuztuaren 27tik irailaren 4ra bitartean. Herri palestinarrarekin elkartasunean lan egiten dugun gizarte eragileek kezka handiz ikusten dugu ekimen hau, izan ere palestinarrentzako bake justu bat lortzeko helburua izan beharrean keinu normalizatzaile bat baita, Palestinan Israelek abian duen apartheid Estatuaren konplize bihurtuz.

argHerri palestinarraren kontra Israelek ezarritako apartheid sistema eta Gazan burutzen ari dituen krimenak salatzeko, eta era berean, bidaia bertan behera uzteko arrazoiak argitzeko asmoarekin, Euskal Herriko eragile sozial ezberdinok prentsaurreko bat deitu dugu. Bertan, Israelek Palestinako okupazioari amaiera jarri, errefuxiatu palestinarren itzulera eskubidea onartu eta palestinar-israeldarren berdintasun eskubidea berma dezan presionatzeko gaur egun dagoen tresna eraginkorrena Israeli Boikot, Desinbertsio eta Santzioen kanpaina (BDS) dela azpimarratzen dugu. Honegatik, euskal jendarteari kanpaina honi babesa emateko deia luzatzen diogu, israelgo apartheida Euskal Herrian ez normalizatzeko.

Gazaren aurkako eraso eta bonbardeaketaz AIJD elkartearen deklarazioa

AIJD-IADL (Nazioarteko Jurista Demokraten Elkartea)-k deklarazio bat publikatu berri du, zeina Gaza gaineko bonbardeaketa eta herritar palestindarren erahilketa gaitzesten du irmoki. Modu berean, Nazioarteko Komunitateari deia zabaltzen dio, eraso hauek bukatuta daitezela exijitu dezan, eta Israel eraso hauen gaineko erantzule izan dadin.

Eskubideak Euskal Abokatuen Elkarteak modu berean deklarazioa bere egiten du.

 

ARGIA Eguna

ARGIA Eguna egingo dugu Usurbilen, irailaren 27a larunbatarekin. Festa aukera bat izango da herritar guztientzat ARGIA proiektua ezagutzeko, eta ARGIAko komunitatea elkartzeko: harpidedunak, irakurleak, blogariak, kolaboratzaileak, langileak, publizitatea jarriz proiektua babesten dutenak… Gainera ARGIA Egunaren barruan antolatuko den “ARGIAzaleen topaketa”-n, proiektuari buruz komunitateko kide guzti horien arteko iritzi-trukea egingo dugu. Bertan, urte amaierarako prest izan nahi dugun aldizkari berritua aurkeztuko dugu lehen aldiz, era informal batean.

ARGIAren balioetan oinarritutako festa izango da, egun osokoa eta adin guztietako jendearentzat zuzendua: Ingurumenarekiko errespetua, parekidetasuna, independentzia, lurraldetasuna, euskara eta parte-hartzea landuko ditugu, beste hainbat baloreren artean.

Egitarau zehatza irail hasieran jakinaraziko dugu, baina aurreratuko dugu produktu ekologikoekin egindako herri bazkaria, Euskal Herriaren independentziari buruzko mahai-ingurua, bertso saioa, tailer ekologista bat, bakarrizketa umoretsuak, kale animazioa, jolas aldarrikatzaileak eta kontzertuak izango direla, beste hainbat gauzaren artean.

Egitarau partehartzailea egin nahi dugu, eta inork zerbait antolatu nahi balu, jarri gurekin harremanetan sustapena@argia.com helbidean abuztuaren 25a baino lehen.

ARGIA Eguna 1982an egin zen lehen aldiz, 1992. urtean azken aldiz, eta bi hamarkadaren ostean berreskuratzea erabaki dugu ARGIA kalera atera, proiektua ezagutarazi eta komunitatea sendotzeko.

Dispertsioak beste istripu bat eragin du

Egun on eta mila esker prentsaurreko honetara gerturatu zareten guztioi.

Prentsaurrekoa, leku berezi batean deitu dugu, kotxe tailerrean, karrozerian. Hementxe baitago asteburuan Villenaraino, Alacanteraino bidaia egin zuen Mirentxin furgoneta. Tamalez, furgoneta honek ere, istripua izan zuen, dispertsioak 2014 urte honetan eragindako zortzigarren istripua pairatu zuten barruan zindoazen sei lagunek.

Furgoneta honi gertatutakoa gure egoeraren metafora lazgarria da. Ia 700 kilometrotako bidea egin ostean, espetxera iristen ari zirela, goizeko ordu txikietan, horma batekin kolpatu ziren. Ostiraletan irteten dira Mirentxineko boluntarioen furgonetak espetxeetara. Bidaiari ekiten dioten askok lana egin dute kotxea, hegazkina, itsasontzia edo furgoneta hartu aurretik. Lana, aste osoko neketsua, espetxera zehaztutako orduan iristeko beharra, tentsioa, urduritasuna… 700 kilometrotako joana, 700 kilometrotako etorria. 1400 kilometro guztira. Villenara kasu honetan. Baina 2000 Km baino gehiago dira Puerto III, Clairvaux edo Baupaume bezalako espetxeetara astero doazenak. Orduak eta orduak errepidean, kasualitatea baino kausalitatea diren istripuak.

Euskal abokatuen inguruan mozioa

AED eta ELDH abokatu europear elkarteek, euskal abokatuei buruzko mozio bat argitaratu berri dute. Bertan, Jon Enparantza, Arantza Zulueta eta José Campo abokatuek pairatzen duten isolamendu egoera salatzen dute. Hirurak, beste bost pertsonekin atxilotuak izan zirenetik espetxealdi prebentiboan daude, orain sei hilabete baino gehiago.

Modu berean, Entzutegi Nazionala den Epaitegi bereziaren papera salatzen dute, eta defentsa eskubidearen aldeko lanaren beharraz hitz egiten dute.

AED-EDL (European Democratic Lawyers) eta ELDH (European Lawyers for Democracy and World Human Rights elkarteak, abokatu elkarteez osatuak daude eta ordezkariak dituzte europako 20 estatuetan. Ez da euskal abokatuek pairatzen duten jazarpen egoera edota atxiloketak salatzen dituzten lehenengo aldia, eta oraingoan, balizko polizi operazio horren berri ere izan dutela adierazten dute kezka handiz. 

Eskubide Sozialen Karta oinarri hartuta politika propioak egiteko ordua dela aldarrikatu du LABek

labEuskal Herrian ematen diren txirotze eta prekarizazio politiken informea (2014ko lehen seihilekoa) aurkeztu du gaur LABek. 2013ko urrian LABek aurkeztutako txostenean jada ohartarazten zen lan erreformak langileen lan baldintzetan dituen ondorioez, baita emakumeei enplegurako sarbidea galarazteak edota babes sistemaren ahultzeak dituen ondorioez ere.

Koiunturaren azterketa berri honekin LABek 2014ko lehen sei hilabetekoaren balantzea egin du eta sindikatuak hortik ateratzen dituen ondorio nagusiak aurkeztu ditu gaur.

LABek egoera geroz eta larriagoa dela ohartarazi nahi izan du gaur agerraldian. Eta horren atzean hartu diren erabaki politikoak daudela salatu du. Herria babes sozialik gabe utzi dituzten erabaki politikoak, galerak sozializatzen eta irabaziak pribatizatzen dituztez erabakiak. Honen adibide argi bezala lan munduaren erreforma, pentsio erreforma eta pribatizazioen orokortzea, besteak beste, jarri ditu.

Aurkezturiko txostenari erreparatuz pobreziaren betierekotzea hazkunde ekonomikoaren ezaugarri bilakatu dutela adierazi du LABek, hartu dituzten erabakien bitartez pobrezia zabaltzen eta hazkunde ekonomikoa behera egiten ari dela argi ikusten baita.

Egun oraindik hartu den bide politikoak berak eskatzen dituen eta murrizketa gehiago ekarriko dituen erreforma berriak negoziatzen ari direla esan du LABek, eta honi aurre egiteko 2008an euskal sindikatuok abiatutako bidetik jarraitzeko deia egin du, hau da, Eskubide Sozialen Karta oinarri hartuta mobilizazioen bitartez.

Bidasoaz bi aldeetako ikasleak eta begiraleak, udaleku aitzindari batean elkarrekin

kartela

 Ikastolen Elkarteak eta Uda Leku elkarteak bat egin dute aurrenekoz, eta aurten 'Elkarrekilan Zuberoan' udalekuak antolatu dituzte elkarrekin. Bertan, Euskal Herriko lurralde guztietako 9 urtetik 15 urtera bitarteko ehun bat gaztek hartuko dute parte. Mauleko 'Agerria etxea' aterpetxean izango dira, uztailaren 24tik 30era. Begiraleak ere Bidasoaz bi aldeetakoak izango dira.

Egitasmoa gaur aurkeztu dute Ikastolen Etxean, Donostian. Argazkian, ezkerretik eskuinera, Anaiz Olzomendi Uda Leku elkarteko kidea, Koldo Tellitu Ikastolen Elkarteko lehendakaria, Mertxe Aizpurua Udalbiltzako lehendakaria, Michel Etxebest Mauleko auzapeza eta Nagore Amondarain Ikastolen Elkarteko Aisialdi Taldeko arduraduna.

Koldo Tellituk azaldu duenez, aurtengoa lehen aldia izanda, xume abiatuko da 'Elkarrekilan Zuberoan', baina etorkizunean indartu nahi duten egitasmoa da. "Kezka" batetik jaio zela esan du: "Azken urteotan izugarrizko bilakaera izan du Ipar Euskal Herriak. Bai gizarte mailan, bai politikan, baita ekonomian ere, aro berri bat ikusten zaio. Baina, era berean, salbuespen batzuk kenduta, esan liteke Bidasoa ibaia zabaldu egin dela, edo dagoeneko ez dugula zubi hori lehen adina gurutzatzen, ez garela elkartzen".

Kepa Arkauz euskal preso politikoa erasotu egin dute Parisko Justizia Jauregian

  • Arrasatearrak zelda partekatzeari uko egin zion
  • Uztailaren 16an gertatu zen erasoa, Le Vert epaileak deituta, Parisera eman zutenean

Kepa Arkauz arrasateko  euskal preso politikoari eraso egin zioten Parisko Justizia Jauregiko gendarmeek iragan uztailaren 16an.  Le Vert epaileak deituta entzutegira eraman zuten euskal herritarra galdeketa egiteko. Bertara iristean funtzionarioek probokazioekin hasi zitzaizkion, “ez nengoela nire etxean, bertan beste euskaldunik ez zegoela” - horrelako aipamenak eginez; Igor Uriarte bertan egon arren.

Preso arrunt batekin zelda partekatu behar zuela esan ziotenean, arrasatearrak, ukatu egin zuen. Beraiekin hitz egin eta bakarrik geldituko nintzela aipatzean zeldan sartu zen baina, momentu hori probestu zuten preso arrunta ere zelda berdinera sartzeko. Jabetzean kanporantz bultzaka hasi zen eta lau funtzionarioren artean heldu zuten orduan. Funtzionarioetako betek besoa lepotik bueltan pasatu eta gogor estutzen hasi zitzaion, ito nahian bezala. Bitartean besteek eskuetatik heldu eta lurrera botatzen saiatu ziren. Lauen artean helduta ere zeldatik irtetea lortu eta atetik 5 m aldendu zen. Lurrera erortzen ez zela ikusirik, bertan askatu eta tonu gogorrean elkarrizketa bat izan zuten.

Erabakiz aldatuko ez zuela jabeturik, bakarrik utzi zuten zeldan. Oihu eta zaratak entzunda goiko pasiloko ziega batean zegoen Igor Uriarte deika hasi zitzaion. Orduan, komunikazioa eteteko, elkarrekin ez hitz egiteko, beste galeria batera mugitu zuten.

Erasoaren ondorioz lepoaren atzealdean atzamarkada bat eta ubeldura txiki bat izan ditu.

Arkauz bakartua, Villepinte-ko espetxean

Noarekin bilera egin ostean Gasteizko Euskal Herria-Palestina saretik euskal jendarteari mezua

Gasteizko Euskal Herria-Palestina saretik euskal jendarteari:

Euskal Herria Palestina Sareko 4 kide bildu ginen ostegunean Noa kantaria eta Gil bere taldeko musikariarekin ia bi orduz. Bilera adeitsu joan zen.

Noa eta Gil beren jarrera eta ibilbidearen gainean luze eta zabal jardun zitzaizkigun. Beren bakearen aldeko konpromisoaz, beren jarrera politikoez, bai eta beren jarrerak defenditzeagatik Israelen bertan ultraeskuindarren aldetik pairatu behar izan dituzten eta pairatzen dituzten eraso eta bazterketaz. Geuk ez ditugunak ez zalantzan jartzen eta ez gutxiesten.

Noa eta Gil saiatu ziren halaber ulertarazten gatazkaren konplexutasuna "ez da txuria edo beltza", "hainbat alderdi" eta horrekin batera palestinar eta israeldar gizartearen radiografia bana egin ziguten. Neurri handi batean planteatu zuten gatazka erlijio ikuspegitik. Bi aldeetan fanatikoak daudela azalduta eta musulman fanatikoek israeldarrak bukatu nahi dituztela. Nahiz eta onartu Hamas Estatu israeldarretik sostengatuta izan zela bere garaian Palestinako Askatasunerako Erakundea (OLP) ahultzeko, gatazka termino erlijiosoetan kokatu zuten nagusiki.

Era berean, gatazka konpontzeko gaur egun dagoen egoeratik abiatu behar dela, iraganean gehiegi arakatu gabe. De facto dagoenatik abiatu beharko zen elkarrizketa.

Batzuetan aipatu zuten Israel eta Palestinan bertan, baita kanpotik ere, bultzatu behar dena bakearen aldeko jarrerak direla, baina gatazka historiko-politiko honen zergatiei ekitea aldi batera utzi zuten elkarrizketan zehar.

Durangoko EHE-k hitzetatik ekintzetara igarotzeko eskatu dio udalari

Durangoko EHE-k hitzetatik ekintzetara igarotzeko eskatu dio udalari Aitzakiak alde batera utzi eta "Udalak eta biok, euskaraz" egia bihurtzeko beharrezkoak diren politikak egin ditzan galdegin diote. 

Honatx Durangoko EHE-k zabaldutako oharra:

Lau urte pasa dira Durangoko udalak euskararen udal araudia onartu zuenetik. Guretzako egokiena ez den arren, denbora honetan, bertan azaltzen dena ere ez da bete. Herritarron hizkuntza eskubideak onartzen dituen arren idatziz, gero praktikan errealitatea bestelakoa da. Hori zela medio, “Udalak eta biok euskaraz” dinamika jarri genuen martxan eta hainbat herritarrek beraien eskaera udalera bideratu zuten, honekin harreman oro euskaraz izateko asmoz.

Lau hilabete luze igarota, jaso genuen erantzuna. Udalak herritarren eskaerei erantzuteko pare bat mobilizazio egin eta alkateari gutun bat helarazi beharra ere, marka de gero!

Alde batetik, euskaldunok euskaraz bizitzeko dugun eskubidea aitortu eta horretarako bitartekoak jartzeko borondatea agertzen dute. Baina beste alde batetik aitzakia ugari jartzen dituzte gaurdanik berauek bermatzeko bitartekoak jartzeko. Gure ustez, borondatea izanez gero aisa bete ditzake herritarron eskakizunak.

Palestinarekiko elkartasunez mobilizazio eta ekimen ugari burutu dira Euskal Herrian

maniAtzoko egunez Bilbo, Iruñea, Donostia eta Tolosan manifestazioak eta Euskal Herriko beste hainbat txokotan elkarretaratze eta ekimenak burutu ziren Palestinarekiko elkartasunez. Hemen irudi eta bideoa batzuk

Bilbon 2.500 lagun inguruk bere elkartasuna adierazi zioten Gazako herriari bereziki eta Palestina osoari oro har. "Stop al Genozidio en Gaza, Palestina Askatu, Israeli Boikot" zioen pankarta erraldoiak ireki zuen manifestizioa. Palestinaren aldeko oihuak eta Israeli Boikoten aldeko aldarrikapenak kaleak bete zituen Arriagatik Plaza Eliptikora egindako ibilbide osoan. Palestinako bandera ugari eta jendeak berak egindako kartelak ere ikusgai izan ziren. BILBOKO bideo eta argazkiak Raphael Tsavkko (@Tsavko) bidez

*Argazkiak: hemen

Iruñean ere manifestazioa burutu zuten eta apartheid sionista amaitu eta Israeli Boikot #BDS kanpainarekin bat egiteko deialdia luzatu zuten. Uztailaren 12an, San Ferminetan elkarretaratze jendetsua egin ostean, atzoko egunez 1000 pertsona inguru izan ziren Palestinarekiko elkartasun aldarria kalera atera zutenak. IRUÑEAKO bideoa @ahotsa.info bidez

Garenaz eta egiten dugunaren kontzientziaz ikastaroa

2014/09/19 17:00
2014/09/20 14:30

formazioaIrailerako formazio eskaintza berri baterako proposamena: 8 ordutako ikastaro laburra.

Garenaz eta egiten dugunaren kontzientziaz

Iaz antolatutako ikastaro honen saio berri bat eskainiko dugu irailaren 19 eta 20an (ostirala arratsaldea eta larunbata goiza).

Non? Durangon (zehaztuko dugu lekua)

Zein ordutan? Ostirala 19an (17etatik 20etara) eta larunbata 20an (9,30etatik 14,30etara)

Nork eskainia? HUHEZIko Sorguneak ikertegiko Nekane Goikoetxea eta Julen Arexolaleibak.

Nori zuzendua? Euskaltzaleen elkarteetan modu batean edo bestean ari garen guztioi zuzenduta: boluntarioei, zuzendaritzakideei, bazkideei, langileei, hezitzaileei,…

 

Garena eta egiten dugunaren kontzientziaz ikastaroa antolatu izan dugun dagoeneko bi aldiz eta horietan parte hartzeko aukera izan genuenok gomendatu egiten dugu. Zergatik?

Euskaltzaleon elkarteak garenaren eta elkarteok egiten dugunaren gainean hausnartzeko balio duelako eta egiten dugun hori baloratzeaz gain, eragiteko klabe berriak asmatzen laguntzen duelako. Ikasturtea hasteko aukera paregabea da.

Beraz, pentsatu, agendak kontsultatu, behar duzun infomazioa eskatu eta animatu, mereziko du eta!

Formazio saioa bi formatutan antolatu dugu oraingoan:

Ondoko helburuak jarri zaizkio ikastaroari:

PIRINIOETARA ( SAINT LARY SOULAN PLA D`ADET) irteera

Gaur aurkeztu dugu pirinioetara ( Saint Lary Pla D`Adet )ra antolatutako irteera.

Bi ekimen, bat 23an asteazkenean, Sain -Lary-Soulan Pla D`Adet- bizikleta igoera eta bestea, asteartea 22, arratsaldeko 7tatik aurrera euskal festa Pla D`Adet ESAIT gunean

 

Paul Bilbao: “Garaia da euskararen aldeko kurbak goranzko noranzkoa har dezan”

argEuskararen Gizarte Erakundeen Kontseiluak aurrekontuen aurrean hausnarketa berri bat egin du. Orain arte Kontseiluak aurrekontu-proposamenaren gainean egin du lan, Gobernuak Legebiltzarrari aurrekontu-zirriborroa aurkeztutakoan horren gaineko ekarpenak egin izan ditu Kontseiluak, bai eta horren balorazioa ere. Eraginkorragoa izan dadin, aurrekontuak osatzen ari diren garaira aurreratu du bere lana eta espero du aintzat hartua izango dela. Lankidetzarako deia ere egin du. Donostian egindako prentsaurrekoan aurkeztu du Kontseiluak bere proposamena.

"Euskararen normalizazioari behar duen bultzada emateko lau alor nagusitan egin behar da aurrera. Alde batetik, euskararen aldeko herri gogoa indartu beharra dago, bigarrenez, arkitektura juridikoaren egokitzapena behar da arauak gaurkotzeko eta hutsuneak betetzeko, hirugarrenez, plangintza eragingarriak abiatu behar dira helburu eta epe zehatzak dituztela eta azkenik, diru-inbertsioak handitu behar dira. Lau norabide horietan aurrerapen nabarmenak egin gabe ez da erraza izango euskararen normalizazio prozesuaren bizkortzea", esan du Kontseiluko koordinatzaile Iker Salaberriak.

Kutxabanken pribatizazioaren kontra borrokan jarraituko dutela adierazi dute eragile sozial eta sindikalek

Euskal Finantza sistemaren aldeko eta Kutxabanken pribatizazioaren kontrako plataformaren irakurketa
Kutxak-Kutxabank. Hau hasiera besterik ez da
Euskal sistema finantziero publikoa. Pribatizaziorik ez

Mobilizazio sozial, sindikal eta politiko-instituzionalari esker euskal Kutxen-Kutxabanken pribatizazioa eztabaida sozial eta politikoaren erdian dago.

arg

Estrategia hau bultzatzen dutenek (EAJ-PP-PSE) ezkutuan eta inolako azalpenik eman gabe egin nahi zutena arazo larria bihurtu zaie. Era guztietako armak baliatu behar izan dituzte (500.000 euro arteko zigorrak babesa ematen ez zietenentzat; elkarren artean zerikusirik ez duten gaien bozketa bateratua, esaterako estatutuak eta Patronatuaren osakera; manipulazio mediatikoa, etab.).

BBK eta Vital banku-fundazio dira dagoeneko, baina datozen borroketarako prest gaude, Kutxabank pribatizatzea saihesteko eta euskal gizartearen zerbitzura dagoen finantza-erakunde baten ereduaren alde egiteko.

Euskal aurrezki-kutxak banku-fundazio bihurtu izana ez dago atzera eragiterik, hau gauzatu duten alderdi politikoek ez baitaukate borondate politikorik kutxen izaera publiko eta soziala bermatuko lukeen arau-marko bat garatu eta horrela euskal finantza-sistema publiko bat berrosatzeko. Lehen ondorioa kutxen Batzarren desagerpena da, eta horrek dakarren erakundeen gaineko kontrol publiko eta sozialaren galera.

Eskola Ibiltaria Ziburutik Donostiara!

2014/08/13
2014/08/15

Euskal Eskola Nazionala irudikatzeko ekimen praktiko gisa definitu dute Eskola Ibiltaria Ikasle Abertzaleek. Abuztuaren 13an Ziburun hasi eta 15ean Donostian emango diote amaiera, tarteko gauak Hendaian eta Lezon igaroz. Ekimen erabat irekia izango da, egungo hezkuntza eredua gaitzetsi eta ‘mugarik gabeko eskola’ eraikitzea helburu izango duena. Hiru egunez formakuntza eta jaia uztartuko dituzte, eta parte hartu nahi duenak izena eman beharko du.

Webgune berezia ireki dute informazio guztiarekin: www.ikasleabertzaleak.org/eskolaibiltaria

kartela

Ikasle Abertzaleek antolatzen duten 12. Eskola Ibiltaria izango da aurtengoa. Azkena 2010ean egin zuten, eta gu nostalgiko xamar jarri gara! Nolakoa izan ote zen, adibidez, 2003koa? Gaztesareak batu zituen orduko irudiak:

Israeli boikot aldarria bizirik Gasteizen

argPalestinar herriak bizi duen egoeraren larritasuna salatzeko atzoko egunez Gasteizen elkarretaratzea eta ondoren manifestazioa burutu zuten joaldunen laguntzaz Mendizorrotzararte. Izan ere bertan, Gasteizko Jazzaldian Noak,  Israelgo apartheid politikari zilegitasuna ematen dion abeslari israeldarrak parte hartu baitzuen. Horregatik Palestinar herriaren aldeko aldarriz eta Israeli Boikot oihuen artean Mendizorrotzan bigarren elkarretaratzea burutu zuten ehundaka lagunek.

Gogora ekarri nahi dugu ekainean Gasteizko jazzaldiaren Noa kantari israeldarrak parte hartzen zuela jakinda Euskal Herriko hainbat kulturgile eta akademikok bat egin eta Noari berari, gutun ireki bat helarazi ziotela. Ekaina amaieran Noak erantzun egin zien Euskal Herriko kulturgileei ondorengo eskutitzarekin. Hitzartze honen aurrean Euskal Herria-Palestina sareak ondorengo gogoera azaldu zion euskal jendarteari eta bereziki azaldu bakezale itxuraz mozorrotuta bada ere, Noak Israelgo apartheid politikari zilegitasuna eman besterik ez duela egiten bere erantzunarekin, eta hortaz, ezin dugula inolaz ere interpretatu Nazioarteko Zuzenbidearen gutxieneko printzipioekin bat egiten duenik:

1- Okupazioaren amaiera eta harresia bertan behera botatzea;

Errobiko Festibala 2014

2014/07/17
2014/07/20

Uztailaren 17tik 20ra, Ezkandrai elkarteak Errobiko Festibalaren 19. edizioa antolatuko du Itsasun. Usaian bezala, jaialdiak sorkuntza artistikoa eta kultura trukaketa ukanen ditu ardatz. Baionan aurkeztua izan den Gerezien Denbora hiri pastorala bigarren aldi batez ikusteko parada izanen da gainera.

Arte eta musika mota desberdinak nahasiz, anitz dira aurtengo Errobiko Festibaleko hitzordu desberdinetan parte hartuko duten artistak : Michel Portal, Bernard Lubat, Beñat Achiary, Ramon Lopez, Philippe de Ezkurra, Julen Achiary, Jean Christian Irigoyen, Ttikia eta Handia, Amaren Alabak, Maddi Oihenart, Jean-Mixel Bedaxagar, Buhaminak...

Baina 19. edizioa are bereziagoa izanen da, joan den ekainaren 29an Baionan aurkeztua izan den Gerezien Denbora beste behin ikusten ahalko baita uztailaren 20an.

Xehetasunak

 

Konpartsakide eguna

2014/07/19

kartelaLarunbat honetan, uztailaren 19an,  Bilboko Areatzan ospatuko dugun konpartsakide egunera gonbidatu nahi zaituztegu.

Goizeko 12:00etan eguneko egitaraua ( erantsitako kartelean informazioa gehiago dago) martxan jartzen dugun bitartean Bilboko Konpartsok deklarazio batzuk egingo ditugu eta Bilboko Konpartsen sartu berri diren bi konpartsen aurkezpena egingo dugu.

 

 

Hainbat lagunek Uztaritzeko Herriko Etxea babestu dute kanpo esku hartzeen aurrean

Kontseilu eta Euskal Konfederazioaren deiari erantzunez, Estatuen jarreraren aurrean haserrea adierazi eta bertako herriko etxe zein herritarrei babesa eskaini zioten atzo.

Hainbat lagunek Uztaritzeko Herriko Etxea babestu dute kanpo esku hartzeen aurrean

Hainbat lagunek Uztaritzeko herriko kontseiluak euskara ofizial izendatu izana babestu zuten atzo egindako elkarretaratzean. Kontseiluak eta Euskal Konfederazioak egindako deiari erantzunez Herri Kontseilua babestearekin batera Estatuen jarrera salatu zuten.

Syndicate content