Skip to Content

Que voltem para a casa

quevoltemBiharko egunez, beste urte batez, Que voltem para a casa Galiaziako preso politiko independentisten senitarteko eta lagunen eskutik, “IX Marcha às cadeias” antolatu dute, preso politikoen eskubideen alde eta dispertsioaren amaiera aldarrikatzeko. Askapenatik gure babes eta elkartasun guztia helarazi nahi diegu ohar honen bitartez.

INFO gehiagorako:

Web gunea: www.quevoltem.org

Twitter: @Quevoltem

Euskal Preso Politikoen Kolektiboaren antzera, badira espetxean bahituta aurkitzen diren galiziarrak ere, euren militantziaren ondorio gogorrak sufritzen eta giza eskubideekiko erabateko mespretxuz sortutako neurriak jasaten. Neurri horien artean aurkitzen da hain zuzen ere dispertsioa.

Argi ikusten da, Espainiar Estatuak mugitzen eta bere askatasunaren alde borrokan diharduen herri ororekin amaitzea duela helburua eta horretarako estrategia eta politika errepresibo osoa baliatzen duela. Atxiloketak, inkomunikazioa, torturak, espetxeratzea eta dispertsioa bezalako hitzak ez dira arrotzak Galizian.

Disidentzia sexualaren aktibazioa

2015/01/31 17:00

Iraultza sexualaren aldeko gazte antolakunde berria aurkeztuko dute urtarrilaren 31n Bergaran

iraultza_sexuala_gazte_antolakunde_berria_agerraldia_2015Orain bi urte hasitako eratze prozesuaren emaitza da iraultza sexualaren aldeko gazte antolakunde berria. Sistemaren aurkako proiektu honek jendarte osoaren askapen prozesu bat mahaigainean jartzea du helburu;  sistemak, gainontzeko guztia kontrolatzeko, gure sexualitate, gorputz eta identitateak kontrolatu behar baititu lehenik eta behin.

Urtarrilaren 31n, larunbata, 17:00etan Bergarako Kartzela Zaharrean egingo dute aurkezpen ekitaldia. Herritar guztiak deitu dituzte bertan parte hartzera eta “subjetu politiko aktibo” bilakatzera.

Prozesu eratzaileko kideen oharra:

Orain bi urte hasi genuen sexu askapenerako gazte mugimenduaren eratze prozesua; antolakunde berria sortzeko helburuarekin. Erabaki hori hartzera, egoera sozio-politikoaren aldaketak eragin zuen; baita heteropatriarkatuaren kontrako borrokan proiektu politiko ausarta garatzearen beharra ere.

Euskararen arnasguneak babestu eta indartuko dituen arkitektura juridiko berri baten beharra aztertuko dute

Euskararen arnasguneak babestu eta indartuko dituen arkitektura juridiko berri baten beharra aztertuko dute

 Gipuzkoako Foru Aldundiak, UEMAk, Kontseiluak eta UEUk “Hizkuntza eta Lurraldea. Erronkak & Tresnak” jardunaldia antolatu dute. Iaz egindako topaketetan hirigintza proiektuek hizkuntzarengan duen eragina frogatu zen, eta aurten, pauso bat aurrera eman eta euskararen arnasguneak babestea ez ezik, bihotz-gune ezinbesteko horiek zabaltzea ere helburu duten ekimenei aterki juridikoa emateko oinarriak aztertu nahi dituzte. Topaketak otsailaren 5 eta 6an egingo dira, Donostian, UPV/EHUren Carlos Santamaria zentroan. Matrikula doan da. Izena emateko: www.ueu.eus

Prentsaurrekoan Zigor Etxeburuak, Gipuzkoako Foru Aldundiko Euskara Zuzendariak; Paul Bilbaok, Kontseiluko Idazkari Nagusiak; Maren Belastegik, UEMAko Lehendakariak eta Iñaki Alegriak, UEUko Zuzendariak hartu dute parte.
 
Zigor Etxeburuak jardunaldi hauek antolatzeko arrazoiak eta iazko topaketak emandako emaitzak gogora arazi ditu: Hizkuntzaren eta egoera sozio-kulturalaren arteko harremana duela zenbait urte azaleratzen hasi zen soziolinguistikaren jaiotzarekin. Hizkuntzalaritzaren ikuspegi sozialago horri geografiaren garrantzia ere gehitu zion geolinguistikaren jakintza-alor berri samarrak.
 

'Euskal Pirinioetan lan eta bizi': Udalbiltza eta Bidarraiko herriko etxearen arteko hitzarmena

Udalbiltzako Euskal Garapen eta Kohesio Fondoak laguntzetarako deialdi berria ezarri du abian, 'Euskal Pirinioetan lan eta bizi' programaren baitan. Gaur eman da laguntzen programa honen berri, Bidarraiko Herriko Etxean. Horrez gain, Mertxe Aizpuruak eta Jean-Michel Anchordoquyk Udalbiltza eta Bidarraiko herriko etxearen arteko hitzarmena aurkeztu dute gaurko prentsaurrekoan. Honen bidez, Udalbiltzak 15.000 euroko mailegua emango dio herriko etxeari "Onddoenea egitasmoa" aurrera eraman ahal izateko.

Bidarrai

'Euskal Pirinioetan lan eta bizi' programaren baitan, Pirinioetako ekintzaileek, eragile sozialek eta erakundeek otsailaren 16ra arteko epea dute proiektuak aurkezteko. Guztira 120.000 euro banatuko dira mikroekintzailetzako 28 egitasmoren artean. Gaur eman da laguntzen programa honen berri, Bidarraiko Herriko Etxean. Prentsaurrekoan hauexek hartu dute parte (argazkian ezkerretik eskuinera): Iker Elizalde Udalbiltzako Nazio Gobernuko kidea eta Hendaiako auzapezordea, Jean-Michel Galant Azkarateko auzapeza, Jean-Michel Anchordoquy Bidarraiko auzapeza, Mertxe Aizpurua Udalbiltzako lehendakaria eta Lidia Arrossa-Larregi, Bidarraiko auzapezordea. Agerraldian, Udalbiltzak eta Bidarraiko herriko etxeak sinaturiko hitzarmena ere aurkeztu dute.

Iosu Uribetxebarria zendu da

Etxerat, euskal errepresaliatu politikoen Senide eta Lagunen Elkarteak, lehenik eta behin bere babesa eta berotasuna helarazi nahi die Iosu Uribetxebarriaren senideei eta hurbilekoei. Iosuren gaixotasuna eta heriotza ingurutu dituzten zirkustantzien jakitun, beraiek guztiek duten galeraren samina geure egiten dugu momento zail hauetan.

Etxeratek, euskal preso politikoa 2012ko irailean aske utzi zutela gogorarazten du. Berea bezalako egoeren aurrean legeriak askatasuna jasotzen duen arren, espetxetik irteera sufrimendu bide luze baten ostean iritsi zen, bere egoera amaierakotzat jo zenenan. Bai berak, zein bere senitarteko eta inguruko afektiboak gupidagabeko jazarpena bizi behar izan dute geroztik. Biziraun duen egun bakoitza, berehalako heriotzaren eskaerez edo eta espetxera berriz joatearen eskaerez lagunduta joan da. Honek samin gehitua eragin dio familiari, eta beste behin ere agerian utzi dute mendekuaren kultura, giza eskubideen begiruneari lehenesteko borondatea.

Etxeratek bakearekiko eta konponbidearekiko ardura honetatik, guztion giza eskubideen errespetuaren alde lanean jarraituko duela adierazten du, eta zentzu honetan, egungo espetxe politikaren indargabetzea bere hurreneko helburua da. Halaber, gogora ekarri nahi dugu larriki gaixorik dauden 10 euskal preso politikok giltzapeturik jarraitzen dutela, beraien zigorren betetzeari oinazea gehituz eta euren senideen saminean sakonduz. Esta beste behin ere egoera honen arduradueni zuzentzen diegu galdera: Nori egiten dio mesede honek? Zein da bakeari egiten dion ekarpena?

Jai Zale taberna euskaltzalea irekiko dute Arrasaten

Ostiralean egingo da irekiera ekitaldia. Kantuak, musika, jatekoak, edatekoak eta giro ona ez dira faltako.

Jai Zale taberna euskaltzalea irekiko dute Arrasaten

Ostiral honetatik aurrera euskaltzaleek beste txoko bat izango dute Arrasaten. Herriko zenbait euskaltzaleren ekimenez, Jai Zale taberna berriak ateak irekiko ditu. Bertan kontzertuak, bakarrizketak, ikus-entzunezko emanaldiak eta abar eskaintzeko asmoa dute. Hasteko, larunbatean kontzertua eskainiko du The Convicts talde arrasatearrak.

Azaldu dutenez, beraien helburua "euskaltzaleentzat txoko bat eskaintzea" da. Euskara da beraien jardunaren ardatza eta "euskarak dituen balioak geureganatu eta elkartasun eta lankidetzan oinarrituko da" abian jartzear diren proiektua. "Euskal Herri euskalduna" ipar, "euskararen ofizialtasunaren eta hizkuntza eskubideen alde" dihardute. Zentzu horretan, taberna honen bidez denen artean ametsa gaurdanik eraiki eta bizitzeko aukera eskaini nahi dute.

elkartasuna nazioartetik

Urtarrilaren 12an emandako polizi operazioa dela eta, ugariak izan dira kanpotik jasotako elkartasun mezuak eta ardura berezia adierazi dute abokatu elkarteek eta indibidualek. Horrela eta adibide gisa, Argentinako Gremial de Abogados elkarteak “No encarcelar la defensa penal – Libertad a los abogados detenidos” deklarazioa bideratzen ziguten oso gogorki salatuz Entzutegi Nazionala eta horrelako jarduerak, non bertako epaileek horrelako sarekadak agintzen dituzten eta gero beraien Herrira doaz giza eskubideei buruzko lekzioak ematen. Estatu mailako “Foro de Abogados de Izquierda” elkarteak ere, gurera bideratzen eta sare sozialetan zabaldu zuen ere bai salaketa manifestua, non gobernu espainiarrari gogorarazten zioten abokatu lana babesteko duen obligazioa. Egun hauetan denak garela euskal abokatuak aldarrikatzen zuten.

Hauek eta beste batzuk jaso dira egunotan Euskal Herrian, eta atzo bertan, Europako bi abokatu elkarte nagusiek, non Europako herrialde guztietako abokatu elkarte gehienak barne biltzen diren, AED eta ELDH, bat egiten zuten gutun komun bat egiteko. Gutun hau, Entzutegia, Justizia Ministroari eta bestelako espainiar instituzioei helarazteko asmoa dute, eta modu berean, Euskal Autonomia Erkidegoko eta Nafarroako beste hainbat erakundeei ere bai. Atxikituta doakizue azkeneko gutun-deklarazio hau.

Operazioaren berri izan dute baita ere nazioarteko giza eskubideen babeserako elkarte eta erakundeek ere, Europako Kontseiluan kokatzen direnak esaterako, hala nola, defentsaren defentsarako aritzen diren elkarteek. Atxiloketen salaketa esaterako, IDHAE (Abokatuen Aurkako Jazarpenaren Kontrako eta Beraien Eskubideen Aldeko Mundu Behatokia) elkarteak publikatzen zuen bere web orrialdean urtarrilaren 12an bertan.

“Nik ere Iruñea nahi dut” aldarrikatu duten herritarren sinadurak entregatu zaizkio Nafarroako Gobernuari

“Nik ere Iruñea nahi dut” aldarrikatu duten herritarren sinadurak entregatu zaizkio Nafarroako Gobernuari

Iruñeko euskalgintzaren bilgunea osatzen duten Kontseiluaren kideek (AEK, IKA, EHE, AET, Sortzen eta NIE), urte batzuk daramatzate Iruñeko Udalaren eskumenekoa den hizkuntza-paisaian euskara ager dadin eragiten. Lorpenak erdietsi dira denbora honetan iruindar euskaltzaleen bultzadari esker eta norabide horretan gaur beste urrats bat egin da; Iruñeko hiri sarreretan dauden panelak euskaldundu daitezen jasotako eskaerak entregatu zaizkio Nafarroako Gobernuari.

"Iruñeko hiri sarreretan dauden panelak gaztelania hutsez daude gaur gaurkoz. Lotsagarri eta mingarri egiten zaigu. Aitzitik, UPNk Iruñea toponimoa desagerrarazteko asmo argia duela esan dezakegu eta sarrera hauetan Iruñea ez agertzea horren isla da. Gauzak horrela, egoera hau aldatzeko hainbat urrats eman ditugu", azaldu du Sagrario Aleman, Iruñeko euskalgintzako kideak. Asier Biurrunek azaldu du Alemanekin batera orain arte egindako lana.

#SAREAgara elkartasun kanpaina abian

saregara

Ideologia ezberdinetako milaka eta milaka pertsonek, duela 4 egun, jendetsua, baketsua eta demokratikoa izan zen mobilizazioan bat egin zuten Bilboko kaleetan. Dispertsioarekin amaitzeko eta euskal presoen eskubideen aldeko oihu isila entzun zen.

Aldarrikapen horrekin batera, elkarbizitza-eszenatoki berri baterantz aurrera egitea ere bilatzen genuen, euskal jendartearen topaleku izatea ahalbidetuko zuena, hainbeste urtetan zehar gure herriak bizitako eszenatokiarekiko desberdina.

48 ordu igaro ondoren, Espainiar Gobernuak, Guardia Zibilaren bitartez, eman zuen bere erantzuna.

Mendekuan oinarritutako erantzuna. Zaharkituriko eszenatoki bat. Txuri beltzean.

Euskal jendartearen gehiengoak onartzen ez duen eszenatokia, aurkakotasuna eta konfrontazioa suposatzen dituelako.

Zalantza izpirik gabe, jazarpen ideologiko baten aurrean gaude.

Eta ez dugu kasualitateetan sinisten.

Ez dugu sinisten pasa den astelehenean gertatutakoak ez duela zerikusirik larunbateko mobilizazio arrakastatsuarekin; ez eta atzo Auzitegi Gorenak, euskal presoek Frantzian beteriko zigor urteen pilaketaren inguruan hartutako erabakiarekin; eta ez eta ere, Terrorismoaren Biktimen Asoziazioak AVTek, urtarril bukaerarako, Madrilen, deitua duen mobilizazioarekin.

Txillardegiren idazlanak digitalizatuko dituzte

Pentsalariaren ia 1.000 laneko "ondare galanta" 2016aren amaierarako egongo da eskuragai, sarean.

Txillardegiren idazlan argitaratu guztiak bildu eta digitalizatzea hitzartu dute Jakinek eta Gipuzkoako Diputazioak. Atzo egin zuten egitasmoaren aurkezpen ekitaldia, Txilardegiren heriotzaren hirugarren urteurrenean.

Joan Mari Torrealdai Jakin fundazioko lehendakariak ekitaldian nabarmendu zuenez, Jose Luis Alvarez Enparantza Txillardegi (Donostia, 1929-2012) "gauza asko izan zen batean". Pentsalaria, irakaslea, idazlea, nobelagilea, linguista, soziolinguista, kazetaria... Berritzailea, gainera, landutako alor gehienetan. Politikan, Torrealdairen ustez, abertzaletasun klasikoa abertzaletasun berrira ekarri zuelako; pentsamenduan, existentzialismoa euskal letretan txertatu zuelako; ideologian, sozialismoa eta abertzaletasuna askatasunean uztartu zituelako, eta hizkuntzan, euskararen normalizazioaren eta modernizazioaren bultzatzaile eta eragile nagusia izan zelako. Besteak beste, Euskal Herrian Euskaraz (EHE) herri mugimenduko eragile euskaltzalearen sortzaileetako bat izan zen.

Landutako alor horiek idazlanetara eraman zituen Txillardegik, "ondare galanta" utziz, Jakin fundazioko lehendakariaren esanetan. Egun, baina, "inor gutxik ezagutzen du Txillardegi osorik, inork ez esateagatik. Batzuek ezagutzen dute bere alderdi politikoa; beste batzuek filologikoa, linguistikoa...". Digitalizazioaren bidez urrats kualitatibo handia emango da: "haren ekoizpen intelektual, kultural eta soziopolitikoa eskuragai egongo da oso-osorik eta sekretutik gabe".

Operazio politiko-polizialari operazio sozial baten bidez eman behar diogu erantzuna

LABek dei egiten die euskal langile eta herritarrei ostiral zein larunbateko mobilizazioetan parte hartzera, asteleheneko operazio poliziala eta haren ondorioak salatzeko.
Ostiralean, elkarretaratzeak egingo dira Euskal Herriko hiriburuetan, 12.00etan Langileok konponbidearen alde lemapean. Bilbon, Udaletxea aurrean, Gasteizen Andre Mari Zuriaren plazan, Donostian Alderdi Ederren, Iruñean Udal plazan eta Baionan Udaletxe aurrean.
Larunbatean, manifestazio nazionala egingo da Donostian Antiguoko tuneletik, 17etan abiatuta Gizaeskubideak, bakea eta konponbidea lemapean.

b_345_187_16777215_0___materiala_argazkiak_euskalHerria_errepresioa_15_01_14OperazioaPrentsaurrekoa_Balorazioa.pngPolizia operazio honekin larunbateko manifestazioari erantzun nahi izan zioten gure ustez. Euskal Preso Politikoak bakarrik, isolaturik eta babesik gabe nahi dituzte. Ez dute lortzen. Berriro ere, milaka euskal herritarren babesa jaso zuten. Iazko gidoi bereko eraso berri batez erantzun dio Estatuak: konponbidea ukatzea eta errepresioa areagotuz auzia oraindik eta gehiago katrapilatzea.

8 URTE LABERINTOAK BEGIESTEN.

2015/01/29
2015/02/01

ZORIONAK 7KATU!

kartelaPasa dira jadanik 8 urte. Larunbat goiz harta, Alde Zaharreko kaleetan aldaketaren melodiaren lehen notak entzuten hasiko ziren. Eta ez , egun hartan albistea ez zen korporazio handi batetako komertzio berri baten irekiera. Oraingo honetan ez, oraingo honetan auzoko gazteak izango ziren protagonista.

7kaleetatik barrena, doinu alai horren jatorrira gidatzen zuen bideari jarraituz, Solokoetxeko eskaileretatik gora, bandera laranjak eusten zituzten gazte multzo batek betetzen zuen plazatxoa. Antzerki xume baten amaierak emango zion hasiera proiekturi. Auzoak lokal autogestionatu bat izateko zuen beharra asetuko zuen atea ireki zen.

Egun hartatik gaur arte, 11 izan dira ate hori zeharkatu eta melodiaren notak konposatzeari ekin dioten gazteak. Zenbatu ezinak egindako kontzertuak, pankartak, asanbladak edo juergak. Gora beherak izan baditu ere, Bilbo ezberdin bat sortzeko egindako borrokak ez du etenik izan eta auzolanaz eta ilusioz helburu denak lortzen direla jakin badakigulako, egindako ibilbide luze honetaz harro egoteko moduan gaudela gabetzen gara gaurko hontan.

 

Lurraldea eta Hizkuntza II. Jardunaldia

2015/02/05
2015/02/05

KARTELA LUHILurralde-antolakuntzaren eta hizkuntza-dinamiken arteko harreman estu bezain ahaztuaz hausnartu genuen I.Jardunaldian pasa den urtarrilean. Hirigintzaren eta euskararen arteko erlazio kezkagarri horretan gehiago sakontzeko asmoarekin antolatu dugu Lurraldea eta Hizkuntza II. jardunaldia 2015ean. Udako Euskal Unibertsitatearekin elkarlanean antolatu dute, Udalerri Euskaldunen Mankomunitateak, Gipuzkoako Foru Aldundiak eta Euskararen Gizarte Erakundeen Kontseiluak.

Oraingoan, lurralde-antolakuntzan hizkuntza-irizpideak txertatzeko erronka eta tresna zehatzei buruz jardungo dugu. Arkitektura juridiko berri baten beharra dugulako, pertsonaltasun-printzipiotik lurraldetasun-printzipiora salto egin eta euskararen arnasguneak babestea ez ezik, bihotz-gune ezinbesteko horiek zabaltzea ere helburu duten ekimenei aterki juridikoa emateko oinarriak inoiz baino beharrezkoago ditugulako.

 

Eskandalu juridiko zein kriminalizazioei aurre egiteko garaia da

Egun latza dugu berriz ere gaurkoa. Atzo Guardia Zibilak 16 euskal herritar atxilotu zituen Euskal Herrian, gurekiko eta gure senideekiko elkartasuna zapuztu eta, bereziki, gure defentsarako eskubidea urratzeko. Ez da kasualitatea atzo bezalako egun batean horrelako operatibo bat burutu izana. Gaur Auzitegi Gorenak zigorren pilaketaren ebazpena jakitera eman behar duenean eta larunbatean, euskal gizarteak bakea eta konponbidearen aldeko apustua irmoa dela argi eta garbi egin zuenean.

Trinitate Plaza; prentsaurrekoa

Tranpa juridikoak, eskandalu juridikoak salatu genituen aurreko osteguneko prentsaurrekoan. Eta presoak abokatu gabe uztea baino tranpa handiagorik ez dago. Espainiako Erreinuak abokatuak bahitu ditu Europan Giza Eskubideen urratzeagatik kondena berriak ekiditeko. Legea eta zuzenbideari nahi beste tranpa egiteko.

Baina Espainiako Erreinuak ez du bakarrik defentsa juridikoa oztopatu nahi, gure senideek bide juridikoak jorratzen ari diren honetan. Herri honen elkartasuna eta babes ekonomikoa zapuztu eta lapurtu nahi izan dute.
Larunbatean, Bilbon, herri honek argi eta garbi utzi zuen zein den apustua, zein den nahia; bakea eta konponbidearen aldekoa, giza eskubideen urraketekin behin betikoz amaitu dezagun. Estatuak atzo erantzun zuen, indar guztiarekin. Konponbidearen kontra, zuzenbidearen kontra eta bakearen kontra, azken batez. Bazterrak nahastu eta elkartasuna zein babes juridikoa kriminalizatuz. Abokatuek ongi egiten dutela bere lana? Bahitu egiten dituzte. Herriak elkartasuna eta babesa adieraztean? Elkartasuna kriminalizatzen dute.

Giza eskubideen, bakearen eta konponbidearen alde

2015/01/17 17:00

errepresioaGiza eskubideen, bakearen eta konponbidearen alde larunbatean denok Donostiara

Besteak beste, euskal presoen defentsa eta ordezkaritza legala egiten duten abokatuak eta beste herritar batzuk atxilotzea ekarri zuen egindako polizia operazioak denboran atzera begira jarri gintuen atzo, Euskal Herrian bizi izan ditugun azken urteak debaldekoak izango balira bezala. Atzoko sarekada soberan zegoen, atxilotutako pertsonak errez aurkitzeko modukoak direlako, operazioa agindu duen epailearen disposizioan jarri zirelako eta bere lana Audientzia Nazionalean, espetxeetan eta ezagupen publikoko bulegoetan egiten dutelako.

Elementu eta ezaugarri zehatzak erraz atzeman daitezke polizia operazio honen atzean. Izaera erabat politikoa daukan polizia operazioa da, eta sarekadaren benetako helburuak ez daukala zerikusirik Espainiako gobernuak esaten eta baieztatzen duenarekin.

Atxilotutako pertsonei eragiten dieten ondorio zuzenez gainera, era honetako ekinbideek behin eta berriro atzeratu dute herritar guztiei dagozkien oinarrizko eskubideak eta bermeak errespetatuak eta beteak izatea; egiazko demokrazia batean, eskubide eta berme horiek beste edozein interesen gainetik eta aurretik egon beharko lirateke.

2015-01-12 - Kontzentrazioa Iruñean, PPren egoitzaren aurrean

Astelehenero bezala, arratsalde honetan, ehundaka pertsona elkartu dira Iruñean, PPren egoitzaren aurrean,

Euskal preso politikoak Euskal Herrian bizitzeko eskubidea aldarrikatzeko, Hurrengo lelopekin:

“Euskal Preso eta Iheslariak Herrira”

“La dispersión mata”

“Epaiketa politikorik ez”

 arg

Aski da! Atxilotuak Askatu!

Beste behin ere, gaur goizean berri zahar batekin altxatu gara. Larunbateko manifestazio erraldoietik 48 ordu ere pasa ez direnean, berdez jantzitako mertzenarioak Euskal Herriko ateak jo dituzte 16 Euskal Herritar baitu eta epailearen aurrera eramateko. Hainbat lokal eta egoitza mihatzeaz gain, dirua lapurtzen ere ibili dira goizean goizetik. Urte bete "Jaque" operazioa burutu zutenetik, eta orain "Mate" operazioa burutu dute Espainiako Guardia Zibilak. Arridura sortzen digu horrelako izen militar bat izateak "epaimahaia zibil" batetik irtendako agindu batek.

Askapenatik, elkartasun osoa adierazi nahi diegu gaurkoan atxilotutako 16 Euskal Herritarrei, nola bere senide eta lagunei. Etsipenera eraman nahi gaituzten honetan, argi dugu errepresioa ez dela bidea, eta ez dutela lortuko herri honen borondatea horrelako sarekadekin zapuzten. Horregatik, hurrengo egunetan egingo diren mobilizazioetan parte hartzera dei egiten diogu euskal jendarteari.

Errepresioa ez da bidea! Atxilotuak Askatu!

 

SARE herritarren sareak, gaurko eguneko azken gertakarien harira ondorengoa adierazi nahi du:

1. Zaila egiten da presoen eskubideen alde eta dispertsioaren amaiera eskatuz pasa den urtarrilak 10eko mobilizazioaren arrakasta eta gaurko polizia operazio hau banatzea.

2. Esku artean dugun informazioaren arabera, LAB sindikatuaren erregistroa larunbatean kuestazioarekin mobilizazioan zehar jaso genuen dirua kentzeko asmoarekin eraman da aurrera.

3. Beraz, LAB sindikatuak ez duela inongo erantzukizunik, egin duen bakarra jasotako txanponak euren bulegoan batzeko aukera eman izana da. Gaur goizera arte, banku bulegoak itxiak zeudelako. Diru bilketa hori, soilik, herritar mobilizazio honen antolakuntza gastuei aurre egiteko eskatu genuen.

4. Horregatik, konfiskaturiko diru hori itzultzea exijitzen dugu.

5. Euskal jendarteak bake eszenatoki bat eskatzen du eta gure herrian elkarbizitza lortzeko bidean aurrera egiten jarraitzen du. Bilbon bildu ziren milaka eta milaka pertsonen eta, orokorrean, euskal jendartearen  elkartasunaren aurrean, Espainiar gobernuak behin eta berriz, zaharkitutako eszenatoki batera itzultzen saiatu nahi du konfrontazio eta liskarra besterik bilatzen ez duelako. Euskal jendarteak arbuiatzen duen eszenatoki bat.

6. Espainiar gobernua, beste behin ere, mundu guztiaren begietara nabarmen geratzeak baino gehiago, abokatuak atxilotzeak, auzipetuak defentsa gabe uzteak eta giza eskubideen aldeko mobilizazioa finantzatzeko jasotako dirua konfiskatzeak arduratzen gaitu.

7. Oinarrizko giza eskubideak urratzen jarraitzen duten bitartean, euskal jendarteak lanean jarraituko du berauek errespetatuak izan daitezen.

Operazio poliziala salatzeko mobilizazioak gaur eta bihar

2015/01/12
2015/01/13

konponbideGaraiaDaArratsalderako euskal herritarren atxiloketak eta operazio poliziala salatzeko mobilizazioak deitu dira atxilotuen herrietan eta hiriburuetan. Bihar herri guztietan izango dira mobilizazioak. LABek konponbiderako garaia dela aldarrikatzeko eta errepresioaren aurka azaltzeko bertan parte hartzeko deia luzatu nahi dio euskal jendarteari.

 Urtarrilak 12
(Atxilotuen eta #35akLibre-n Herrietan)

Ziurra ez den arren, badirudi larunbateko manifestazioan jasotako diruaren bila sartu direla LABen egoitzara

ainhoaEtxaideOraindik ere LABeko egoitzan Guardia Zibila zertan ari den ziur jakin ez arren, dirudienez larunbateko manifestazioan herritarrek solidaritatez emandako diruaren bila joan dira. Etxaidek manifestazioaren amaieran banketxeak itxiak zeudenez, LABek "naturaltasun osoz" eta manifestazio legal baten aurrean, bertan jasotako dirua egoitzan gordetzeko baimena eman zuela adierazi du. Mugumendu honekin euskal presoekiko elkartasuna kriminalizatu nahi dutela esan du Etxaidek, eta presoen eskubideak defendatzea zilegia dela esan eta gero, LABek gaurdaino bezala haien defentsan jarraituko duela gaineratu du.

 LABek gogor salatu nahi du Espainiar Estatuak abiatutako azken polizia operazioa

LABetik gogor salatu nahi dugu gaur goizetik Espainiar Estatuak abian duen operazio errepresiboa. Guardia Zibilak 16 euskal herritar atxilotu eta egoitza ezberdinak miatze lanetan ari da, LABeko Bilboko egoitza tarteko. Egoeraren larritasunak gogoeta pausatu eta sakonago bat eskatzen badu ere, premiazko lehen erreakzio moduan salatu nahi dugu gaurko operazioak, beste behin ere, estatuaren izaera errepresibo eta antidemokratikoa argi eta garbi erakusten duela. Honekin batera, LABek dei egiten die Euskal langileei atxilotutako herritarren askatzea eta estatuaren jokaera salatzeko deitutako mobilizazioetan parte hartzera.

Syndicate content