Skip to Content

Presoak

Gaixo larrien egoera eta espetxeetako bizi baldintzak salatu ditu Etxeratek

argBeste behin, euskal preso politikoek jasan behar izaten dituzten baldintza gogorrak eta honen ondorioak salatzera atera behar izan dugu Etxeratetik.

Atzo Jaiki Hadi medikuen elkarteak bi preso gaixoren berri eman zuen, Ibon Fernandez Iradi eta Ventura Tomé, hain zuzen ere. Lehenaren kasuan, esklerosi anizkoitza diagnostikatu diote, hau da, gaixotasun sendaezin bat du. Eta Toméren kasuan, Prostatako adenomakartzinoma aurkitu diote; "gradu ertaineko" gisa etiketatua.

Ventura Tomé tafallarra, Murcia Ieko espetxean dago, gaitz honen inguruko frogak egiten dizkioten bitartean. Minbizi guztiek bezalaxe, jarraipen estua behar du bai bere egungo egoerari buruzko garapenari dagokionez eta baita gaitzaren balizko okertzea zaintzeko. Oraindik informeak falta zaizkie bere medikuei, baina, kezka sortu die bere gaixotasunak mediku eta senideei.

Xabier Aranburu presoa egoera tamalgarrian dago Muret Seysses espetxean

Muret Seysses espetxean dagoen Xabier Aranburu preso ondarrutarra egoera oso gogorrean aurkitzen da. Astelehenetik mitardean edo zigor ziegan dago, eta ordutik infernua bilakatu da bere egoera. Gaur lagun batekin izandako bisitari esker jakin ahal izan dugu, noraino iristen den egoera honen larritasuna. Bisitara bertara oinetakorik gabe, eta eskuburdinekin lotuta eraman dute gaur.

Mitardean funtzionario batekin izandako eztabaida bategatik sartu zuten, hasiera batean astebeterako. Orain beste 23 egunez luzatu diote mitardaldia eta apirilaren hasiera arte egon beharko du bertan. Badirudi funtzionario honek heriotzez mehatxatu zuela esan zuela, eta ordutik guztiz biluzik dago ziegan. Eta patiora ere biluzik ateratzea nahi dute, baina, ez da ateratzen. Horregatik bakarrik egoera onartezina da, baina, gainera, izugarrizko hotza pasatzen ari da.

Dutxatzeko, berriz, ez diote ezta toallarik ere ematen. Horrez gain, ziegan ordubetero sartzen zaizkio funtzionarioak, eta ostikadak ematen dizkiote. Zaratak ere ateratzen dituzte berak lorik ez egin ahal izateko.

Guzti hori nahiko ez eta lagunak gaur ikusi ahal izan du burua hazia duela, jasotako kolpe batzuen ondorioz.

Egoera tamalgarri, onartezin, krudel eta deitoragarri honen aurrean Xabier Aranburuk gose eta egarri greba bat hasi zuen duela bost egun. Eta gaur likidoa edaten hasiko den arren, lagunari adierazi dio gose greban jarraituko duela bere egoera aldatzen ez den arte.

197/2006 doktrina aplikatua zuen Juan ramon Rojo aske

Gaur aske geratuko da Irungo Juan Ramon Rojo presoa. Juan Ramon 1992an espetxeratu zuten, eta irteera data 2012ko abenduaren 3rako finkatua bazuen ere, 197/2006 doktrina aplikatu zioten, zigorra 2022ra arte luzatuz.

Bere abokatuek ez dute oraindik ebazpenik jaso, baina, badakigu gaur bertan aske geratuko dela 21 urte espetxean igaro ostean, Darocako espetxetik.

Etxerat elkartetik ongi etorria eman nahi diogu Rojori, eta besarkada handi bat luzatu bere senideei.

Bertan behera geratu da gaurko epaiketa, PPk salaketa kendu duelako

konzentrazioaSei lagun epaitu behar zituzten gaur Iruñean, Josu Uribetxeberriaren askatasuna eskatzeko ekintza baketsu batean parte hartzeagatik. Hara ere, azkenean Nafarroako Alderdi Popularrak erabaki du salaketa erretiratzea. Beraz, epaiketa ez da egin.

Gertakariak 2012ko abuztuaren 20koak dira. Sei lagun PPk Iruñean duen egoitzaren fatxadako erlaitzera igo ziren gaixotasun larriak dituzten presoen askatasuna eskatzeko. Josu Uribetxeberriaren egoera salatzeko ekintza baketsua izan zen, presoak bi aste baitzeraman gose greban Gobernua bihotz-gogorkeriaz haren askatasuna atzeratzen ari zen bitartean.

Ekintzan parte hartutako sei lagunak nafarrak dira, preso izandakoak denak: Joseba Etxezarreta, Ibon Esteban, Gorka Diez de Ulzurrun, Maider Caminos, Iker Aristu eta Mikel Ziaurriz.

Herrira-ren ustez, delitua da gaixotasun larriak dituzten presoak kartzelan mantentzea. Eta ez da inondik inora delitua Gobernuari giza eskubideak errespeta ditzala modu baketsuan eskatzea. Horregatik, sei lagun horiei elkartasuna adierazteko elkarretaratze bat egin dugu auzitegiaren aurrean. Bertan, gaixo dauden hamahiru presoen askatasuna eskatu dugu berriz. 

ETXEAN NAHI DITUGU bertso saioa

2013/03/17 17:30

Etxerat elkarteak urtero antolatzen du preso, iheslari, eta deportatuekiko elkartasuna oinarri duen bertso saio Oiartzunen. Baina, aurten pauso bat gehiago eman, eta Bizkaian ere bertsoa eta elkartasuna uztartuz lehen aldiz bertso saio paregabe bat antolatzera ausartu gara.

 Bertso saio honen leloa, “Etxean nahi ditugu” izango da. Izan ere, Etxerat oso elkarte anitza izan arren, bada guztiok batzen gaituen nahi eta helburu bat: gure senide eta lagun diren euskal preso, iheslari eta deportatuak etxean izatea. Eta helburu hau bete bitartean nahikoa lan badugu gure eta gure senide eta lagunen informazioa eta testigantza zabaltzen. Guztiok xamurra ez den errealitate krudel bat bizi dugu, eta uste dugu honelako ekimenek errealitate hau gizarteratzeko aukera bikaina ematen dutela.

 Era berean, ezin ahaztu horrelako ekimen batek gure elkartearen eguneroko lanerako eman dezakeen laguntza ekonomikoa ere. Zeren Etxerat batez ere, senide eta lagunon laguntzatik bizi da. Baina, senideok gizarteak orokorrean bizi duen egoera ekonomikoari aurre egiteaz gain, sakabanaketak eragiten duen gastu ekonomiko izugarriari ere aurre egin behar diogu.

Elkarretaratzea Nafarroako Probintzia Entzutegiaren aurrean

2013/03/05 12:00

Sei lagun epaituko dituzte Iruñean, Josu Uribetxeberriaren aldeko askatasuna eskatzeko ekintza baketsu batean parte hartzeagatik

Epaiketa heldu den martxoaren 5ean eginen da, Nafarroako Probintzia Entzutegian, baina oraindik ez dakigu zer leporatzen zaien eta zein den fiskalaren akusazioa.

Gertakariak 2012ko abuztuaren 20koak dira. Sei lagun PPk Iruñean duen egoitzaren fatxadako erlaitzera igo ziren gaixotasun larriak dituzten presoen askatasuna eskatzeko. Josu Uribetxeberriaren egoera salatzeko ekintza baketsua izan zen, presoak bi aste baitzeraman gose greban Gobernua bihotz-gogorkeriaz haren askatasuna atzeratzen ari zen bitartean.

Ekintzan parte hartutako sei lagunak nafarrak dira, preso izandakoak denak: Joseba Etxezarreta, Ibon Esteban, Gorka Diez de Ulzurrun, Maider Caminos, Iker Aristu eta Mikel Ziaurriz. 

Herrira-ren ustez, delitua da gaixotasun larriak dituzten presoak kartzelan mantentzea. Eta ez da inondik inora delitua Gobernuari giza eskubideak errespeta ditzala modu baketsuan eskatzea. 

Horregatik, sei lagun horiei elkartasuna adierazteko elkarretaratze batera deitzen diegu herritarrei.  Bertan, gaixo dauden hamahiru presoen askatasuna eskatuko dugu berriz. Elkarretaratzea martxoaren 5ean izanen da, 12etan, Nafarroako Probintzia Entzutegiaren aurrean.

 

Etxeratek XII. Batzar Nazionala burutu du Leioan

Etxerat XII. Batzar NazionalaEtxerat osatzen dugun preso, iheslari eta deportatuen senide eta lagun guztiok gaur Leioako Campusean bildu gara gure XII. Batzar Nazionala burutzeko. Urteroko zita da honakoa, eta ezinbestekoa. Izan ere, gaurko egunean aurrez landutako ponentzia bat aurkezten dugu eta bertan datorren urteari begira ditugun lan ildo nagusiak eta eginbeharrak finkatzen ditugu. Gainera, gure arteko kohesioa lantzeko ere aukera paregabea da honakoa.

Senide eta lagunok aurrera begirako lan ildoak finkatu ahal izateko, ezinbestekoa dugu lehenik eta behin gure burua kokatzea egun bizi dugun egoeran. Eta honen aurrean, senide eta lagunok behin eta berriz argi utzi dugun bezala euskal preso politikoen egoerak okerrera egin du. Euskal jendartearen gehiengoak Bilboko kaleetan erakutsitako nahia eta egindako eskaera ez da bete. Horren lekuko direlarik gure senide presoek bizi duten egunerokoa, iheslari eta deportatuen egoera eta gure bizipenak. Mendekua besterik bilatzen ez duen espetxe politika anker baten ondorioak sufritzen ditugu guztiok; baita guk geuk ere, politika honen helburuetako bat baikara.

Ugaitz Astiz eta Mikel Olza preso iruindarrak aske geratu dira

Ugaitz Astiz eta Mikel Olza euskal preso iruindarrak aske geratu dira gaur. Frantziar estatutik Madrilera eraman dituzte hegazkinez gaur, eta Barajaseko aireportura iritsi ostean, aske utzi dituzte.

Olza 13:00ak inguruan iritsi da Madrilera; Astiz, berriz, 17:00ak inguruan. Astiz eta Olza 2008an atxilotu zituzten, eta egun Astiz Fleuryko espetxean zegoen, eta Olza Fresnesen zegoen.

Madrilera iritsi direnerako senide eta lagunak zain zituzten bertan, eta beraz, jada Iruñeara bueltan dira dagoeneko, guztiak batera.

Etxerat elkartetik gure ongi etorri eman nahi diegu Astiz eta Olzari.

Ongi etorri Ugaitz eta Mikel!

Nazioarteko VII. Elkartasun astea

2013/03/02
2013/03/10

kartelaEz dugu izterik aske gabe! Euskal preso eta iheslariak kalera!

Askapenak, Euskal Erakunde Internazionalistak, NazioartekoVII. Elkartasun astea Euskal Herriarekin
2013ko martxoaren 2tik 10era, parte hartzera deitzen zaituzte

Gure askapen prozesuak bizi duen atal berri honetako ezaugarri esanguratsua  da, egun, estatu espainiar eta frantsesak errepresioaren bidetik jarraitzen dutela eta etengabeko oztopoak ipintzen dizkiotela gatazkari,  irtenbide politikoa emateko ahaleginari, alegia. Zentzu honetan, gure borrokan aurrera egiteko, ezinbestekoa da, luzamendutan jausi gabe,  preso eta iheslarien egoerari aurre egitea, ehunka eta ehunka baitira gure herrian, askatasuna ostu dieten edota euren etxeak utzi behar izan dituzten gizon-emakumeak. Gatazkaren ondorioz diraute ataka zail horretan, eta gatazkari ezin zaio eskaini haiek ahaztuko dituen irtenbiderik.

26 urte preso daramatzan Jesus Bollada euskal preso politikoa kalean da jada

Jesus Bollada, preso barakaldoarra, aske geratu da gaur eta beraz, Albocasser espetxetik atera da jada. Bollada 1987ko urrian atxilotu zuten, hau da, aurten 26 urte beteko zituen espetxean. Izan ere, hasiera batean espetxeko irteera data 2006ko maiatzaren 20rako bazuen ere, 197/2006 doktrina ezarri zioten, eta irteera data 2017ra arte luzatu zioten. 197/2006 doktrina aplikatu zieten lehen presoetako bat izan zen.

Oraindik ez dugu bere askatasunaren inguruko zehaztasunik, bere abokatuei oraindik ez baitie epailearen autoa helarazi. Baina, ziurra da Jesus Bollada jada kalean dagoela.

Etxerat elkartetik gure ongi etorria eman nahi diogu Bolladari, eta besarkada bat luzatu nahi diegu bere senide eta lagun guztiei ere.

Ongi etorri Jesus!

Iñaki Gonzalo presoari 197/2006 doktrina aplikatu diote

Valladoliden preso dagoen Iñaki Gonzalo Casal getxotarrari 197/2006 doktrina aplikatu diote. Gonzalo 1994an espetxeratua izan zen, beraz, 19 urte daramatza preso. Irteera data 2013ko maiatzaren 4rako bazuen ere, 197/2006 doktrina ezarri diote, eta oraingoz ez diote irteera data berririk jarri.

German etxera!!!

2013/02/16 12:30

Minutu bat gehiago ere ez! Bizi osorako doktrina eten!

ArrotxapeaHurrengo martxoaren 20an, Giza Eskubideen Europako Auzitegiko Areto Nagusiak 197/2006 doktrinaren patua erabakiko du eta, aldi berean, orain kondena luzatuta duten 73 euskal preso ingururena ere bai. Haien artean, German Rubenach Arrotxapeako preso politikoa dugu.

Egun horretan, Espainiako espetxe politikak azterketa pasatuko du Europako epaile-instantzia gorenean. Epaia iristeko nahiko denbora igaro daitekeen arren, Ines Del Rio Tafallako preso politikoaren kondena luzapena eta bere azpiko doktrina guztia ilegaltzat jo zituen uztaileko epaiaren aurka Espainiaren helegitea aztertuko da egun horretan Areto Nagusian. Horrekin batera, Estatuko espetxe politikan bihurgunea ezar dezake Estrasburgok.

"Frantziako agintariek ez dute Jon Anzaren desagertzea argitu nahi"

anzaJon Anzaren desagertzeari eta heriotzari buruzko auzia artxibatzeko bidean lehen urratsa eman du fiskaltzak. Iragan urrian epaileak 3 urteko ikerketa amaitutzat eman zuen. Oraingoan, Anza familiak prentsaren biden jakin du prokuradoreak auzia artxibatzeko eskaera luzatu duela. Anza bere gaisotasunaren ondorioz hil zela adierazi du prokuradoreak. Anza Tolosara heldu zenetik eta, egoera larrian, karrika batean atzemana izan zen pasa ziren 11 eguneko "hutsunea" hola edo hala bete nahian Anza ETAko kide batzurekin elkartu zela Tolosan eta hauek oso gaixo zela konturatu zirenean zentroko karrika batean utzi zutela baten batek atzeman eta lagundu zezan azaldu du prokuradoreak. Familiaren abokatua, Maritxu Paulus-Basurcok agiria zabaldu du sumarioaren filtrazio berria salatuz. Ber maneran fiskaltzak eginiko adierazpenak errefusatu ditu. Abokatuaren ustez, "Frantziako agintariek ez dute Jon Anzaren desagertzea argitu nahi" eta auzia artxibatzeko prest dira "familiak pausatu galderei neholako erantzunik eman gabe".

Mobilizazioak eta ekimenak Estrasburgoko hitzorduari begira

2013/03/20

PrentsaurrekoaGaur urtebete sortu zen Herrira. Eta zoritxarrez ezin dugu albiste onekin ospatu. Orain arte bezala, oinazea eta eskubideen urratzeak baizik ez dakarren egoeran gaude, eta horren froga dira gaurko prentsaurrekoan hizpide izanen ditugun gaiak.

Ezer baino lehen, aurreko asteburuan Mitxel Turrientes Lasarteko presoaren hiru lagunek izandako auto istripua aipatu nahi dugu. Zorionez ez zen zauritu larririk egon.

Aurtengo lehendabiziko istripua izan da, baina, zoritxarrez, ziurrenik ez da azkena izanen. Horrexegatik, elkartasunezko besarkada bat hemendik sakabanaketaren hiru biktima berri horiei, bai eta euskal preso politikoen senitarteko eta gertuko guztiei ere. Horrekin batera, gure kezka adierazi nahi dugu egoera honek etenik ez duelako, eta sakabanaketak tragedia bat eragin dezakeelako edozein asteburutan.

Beste alde batetik, datorren martxoaren 20an Europako Giza Eskubideen Auzitegiko Areto Handiak, Espainiako Estatuak 2012ko uztailaren 10eko epaiaren kontra aurkeztutako errekurtsoa aztertuko du. Epai hartan, Estrasburgoko Auzitegiak adierazi zuen Auzitegi Gorenaren 197/2006 doktrinak Europako Giza Eskubideen Konbentzioa urratzen duela, eta Ines del Rio berehala aske utzi behar zutela dekretatu zuen.

Ramon Aldasoro eta Raul Alonso presoei ere 197/2006 doktrina aplikatu diete

Beste behin, bi euskal preso politikori bizi osorako espetxe zigorra ahalbidetzen duen 197/2006 doktrina aplikatu diete. Batetik, Ramon Aldasoro otxandiarrari. Aldasoro egun Castello II-Albocasser espetxean dago. 1997an espetxeratua izan zen, eta ondorioz 16 urte daramatza preso. Irteera data 2017ko urriaren 27rako finkatua bazuen ere, 197/2006 doktrina ezarri diote, eta honela, irteera data 2027ra arte atzeratu diote. Bestetik, Raul Alonso Alvarez bilbotarrari aplikatu diote 197/2006 doktrina. Bera ere egun Castello II-Albocasser espetxean dago. 1991ean espetxeratua izan zen, eta beraz, 22 urte daramatza preso. Irteera data 2015ko martxoaren 25erako zuen, baina, orain 2021ra arte luzatu diote.

Bi euskal preso politiko hauei bizi osorako espetxe zigorra aplikatu ondoren, 93 dira jada 197/2006 doktrinaren bitartez euren zigorra luzatu dieten gure senide eta lagunak. 93 hauetatik 73k oraindik preso jarraitzen dute, gainera. Gauzak honela, espainiar estatuak ia 100 euskal presori bizi osorako espetxe zigorra aplikatu dietela esan genezake. Eta hauetatik 73 oraindik bizi osorako espetxe zigor hau betetzen ari dira. Bai 73 euskal preso politiko eta beste horrenbeste familia eta lagun. Izan ere, guri ere gure zigorra luzatzen digute 197/2006 doktrinarekin, eta jada urteetan jasan behar izan ditugun salbuespeneko espetxe politika baten ondorioak jasaten jarraitu behar dugu beste urte luzez. Honegatik guztiagatik, espainiar eta frantziar estatuetan bizi osorako espetxe zigorra aplikatuta duten gure senide eta lagunak berehala aske behar dute.

Mitxel Turrientes presoaren hiru lagunek istripua izan dute bisitara zihoazela

Herrera espetxean preso dagoen Mitxel Turrientes lasartearraren hiru lagunek sakabanaketak 2013. urtean eragindako lehen istripua pairatu zuten, atzo gauean, bisitara zihoazela. Burgos parean zihoazenean, errepidean kazkabarra eta izotza zegoen, eta ondorioz kotxearen kontrola galdu zuten. Zorionez, hiru lagunak ez ziren zauritu, baina, autoak kolpe handia zuen. Gauzak honela, bisitarik egin gabe eta autoa Burgosen utzita itzuli behar izan zuten etxera, taxi batean.

Aipatu bezala, honakoa sakabanaketak 2013. urtean eragin duen lehen istripua izan da. Baina, 2012. urtean bakarrik 13 istripu eragin zituen, eta sakabanaketa martxan jarri zenetik 16 senide eta lagunek galdu dute bizia errepideetan. Asteburu honetan bertan guztiok autoa hartu eta errepidera irteteko beldurrez gaude, baina, milaka senide eta lagunek astebururo bezala autoa, furgoneta, autobusa, trena edo hegazkina hartu eta milaka kilometro egin ditugu edo egingo ditugu gertukoak ikusi ahal izateko. Beste behin gure bizitzak arriskuan jarriz. Baina, gertaera hauek argi erakusten dute sakabanaketarekin berehala amaitu behar dela. Ezin dugu horrela jarraitu. Gure senide eta lagunen eta gure eskubidea delako, euskal presoak Euskal Herrian egon behar dute.

Etxerat elkarteak XII. Batzar Nazionala burutuko du otsailaren 17an

argazkiaElias Miner (Etxerat elkartea)

Lehenik eta behin, Etxerat elkartea osatzen dugun senide eta lagun guztion izenean eskerrak eman nahi genizkioke urtarrilaren 12an, Bilbon, bildu zen jende andanari. Mila esker guri eta gure senide eta lagun diren euskal preso politikoei zuen babesa azaltzeagatik, eta euren eskubideak aldarrikatzeagatik. Mila esker Herrirari herriz herri eta auzoz auzo, manifestazio hau hain anitza eta ugaria izateko egin duen lanagatik. Eta mila esker mobilizazioan izan ziren eragile politiko, sindikal eta sozial guztiei ere.

Euskal Herriko Giza Eskubideen Behatokia PRENTSAOHARRA

Euskal Herriko Giza Eskubideen Behatokiak Espainiar Estatuaren aurka Giza Eskubideen Europako Epaitegian aurkeztutako helegitearen berri eman nahi du. Helegite honen oinarria, 2008ko azaroaren 10ean Espainiako Polizia Nazionalak atxilotutako Oihan Ataun gazte nafarraren tortura salaketa ez ikertzea da.

Oihan Ataun inkomunikaturik eman zituen lau egunetan zehar torturak pairatu zituen. Salatzaileak egitateak frogatu ahal izateko hainbat ikerketa froga bideratzeko garrantzia behin eta berriz eskatu duen arren, Espainiako justizia organoek ez dute aintzat hartu.

Ez da lehenengo aldia nazioarteko instantzietara jotzen dela terrorismoaren kontrako legedipean atxilotutakoen oinarrizko eskubideen urraketa aitortua izan dadin. Izan ere, azken hiru urteetan hiru dira Giza Eskubideen Europako Auzitegiak Espainiar Estatuaren kontra emandako zigor-epaiak tortura salaketak ez ikertzeagatik. Hortaz gain, Nazio Batuen Torturaren Kontrako Komiteak ere arrazoi berdinagatik zigortu du Espainia.

Ulertezina da nazioarteko instantzietara etengabe jo behar izatea, Terrorismoaren Kontrako Legeari lotutako gaiei dagokionez Estatu Espainiarrean emandako oinarrizko eskubideen urraketak onartuak izan daitezen. Esan beharra dago helegite hauek Espainiaren kontrako gomendio eta epaiak izan dituztela ondorio.

Argi Perurena euskal preso polikoaren baldintzapeko askatasuna bertan behera fiskaltzaren eskaera dela eta

 Urtarrilaren 23an, Kondenaren Aplikaziorako Epaitegiak Argi Perurena euskal presoaren baldintzapeko askatsunaren eskaera onartu zuen. Argi Perurena Rennes espetxean dago, etxetik 669 kilometrotara. 2012an egin zuen baldintzapeko askatasuna eskuratzeko lehen eskaera, baina eskaera ukatu egin zioten, nahiz eta legeak eskatutako irizpide guztiak betetzen zituen.

Fiskaltzak, ordea, epaitegiaren erabakiaren aurkako helegitea jarri zuen, eta ondorioz Argiren askatasunaren inguruko erabakia martxora arte atzeratu dute. Gauzak honela, Argik preso jarraitu behar du; jada 13 urte daramatza preso.

Etxerat elkartetik salatu nahi dugu frantziar estatuan gure senide eta lagunei sistematikoki aplikatzen zaien neurri hau; hau da, baldintzapeko askatasuna emateko irizpide guztiak bete arren, euren kasuan ez aplikatzea. Horregatik, beste behin, baldintzapeko askatasuna eskuratzeko baldintzak betetzen dituzten gure senide eta lagun diren euskal preso politikoen askatasuna galdegiten dugu.

Beste hiru euskal preso politikori aplikatu diete 197/2006 doktrina

Beste behin, Auzitegi Gorenaren 197/2006 doktrinaren aplikazioak hiru euskal preso politikoren zigorrak luzatu ditu. Alde batetik, Jesus Mari Zabarte arrasatearrari aplikatu diote doktrina. Bera egun Jaengo espetxean dago, eta jada 29 urte daramatza preso bigarren aldiz atxilotu zutenetik. Irteera data 2013ko martxoaren 29rako zuen finkatua, baina, 197/2006 doktrina aplikatuta , zigorra 2015era arte luzatu diote. Bestetik, Xabin Usandizaga oñatiarrari ere aplikatu diote doktrina. 1997an espetxeratu zuten, eta egun Jaengo espetxean dago. Irteera data izan aurretik aplikatu diote 197/2006 doktrina, eta orain ere ez diote irteera datarik finkatu.

Andoni Cabello urbinarraren kasuan, berriz, bera 1991an espetxeratua izan zen eta egun Castello I espetxean dago. Irteera data 2013ko martxoaren 21erako bazuen ere, doktrina aplikatu diote, eta zigorra 2021era arte luzatu diote.

Hiru euskal preso politiko hauei bizi osorako espetxe zigorra aplikatu ondoren, 91 dira jada 197/2006 doktrinaren bitartez euren zigorra luzatu dieten gure senide eta lagunak. 91 hauetatik 71k oraindik preso jarraitzen dute, gainera. Era berean, gure senide eta lagunei bizi osorako espetxe zigorra aplikatzen dietenean, guri ere kondena berbera ezartzen digute.

Urte luze horietan salbuespeneko espetxe politikaren ondorioak pairatzen, sakabanaketaren ondorioz bidaiatzen, miaketak jasaten, etab. jarraitu behar baitugu. Bizi osorako espetxe zigorrarekin amaitu behar da, berehala amaitu ere.

HERRIRA: Adierazpenak Iruñean, Gobernu ordezkaritzan

herriraGaur Gobernuak Iruñean duen Delegaziora etorri gara, egungo espetxe politikari amaiera eskatzeko joan zen larunbatean kalera atera ginen 115.000 lagunen mezua emateko. Dossier bat egin dugu manifestazioaren osagai guztiekin, eta delegazio honen erregistroan aurkeztuko dugu Espainiako Gobernuari bidal diezaioten.

Alderdi Popularrak joan zen larunbateko manifestazioaren garrantziaz ohartu behar du. Mugitu nahi ezak ez du zentzurik jada euskal gizartearentzat, eta entzungor eginez halako muturreko jarreren kontrako arbuioa handitzea besterik ez du lortuko. Gauza bat argi gelditu da: gehiengo handi bat dago, ideologia guztietako jendeak osatua, garbi esaten diona ezin dutela jarraitu gatazkan eta giza eskubideen urraketan tematuta. Horregatik, uste dugu garai ailegatu zaiola Raxoi jaunari gizarteari aditzeko eta bake prozesua bultzatzeko.

Atzo iragarri genuenez, bilera bana eskatu diegu Iñigo Urkullu eta Yolanda Barcina lehendakariei. Sinetsiak gaude Gasteizko eta Iruñeko gobernuek asko egin dezaketela herritar guztien giza eskubideak errespetatu daitezen eta gatazkaren ondorioei heltzeko politikak sustatzen, eta, gaietako bat, jakina, biktimen eta preso eta erbesteratuen egoera da.

Syndicate content