Skip to Content

Presoak

Euskal Herriko Giza Eskubideen Behatokia PRENTSAOHARRA

Euskal Herriko Giza Eskubideen Behatokiak Espainiar Estatuaren aurka Giza Eskubideen Europako Epaitegian aurkeztutako helegitearen berri eman nahi du. Helegite honen oinarria, 2008ko azaroaren 10ean Espainiako Polizia Nazionalak atxilotutako Oihan Ataun gazte nafarraren tortura salaketa ez ikertzea da.

Oihan Ataun inkomunikaturik eman zituen lau egunetan zehar torturak pairatu zituen. Salatzaileak egitateak frogatu ahal izateko hainbat ikerketa froga bideratzeko garrantzia behin eta berriz eskatu duen arren, Espainiako justizia organoek ez dute aintzat hartu.

Ez da lehenengo aldia nazioarteko instantzietara jotzen dela terrorismoaren kontrako legedipean atxilotutakoen oinarrizko eskubideen urraketa aitortua izan dadin. Izan ere, azken hiru urteetan hiru dira Giza Eskubideen Europako Auzitegiak Espainiar Estatuaren kontra emandako zigor-epaiak tortura salaketak ez ikertzeagatik. Hortaz gain, Nazio Batuen Torturaren Kontrako Komiteak ere arrazoi berdinagatik zigortu du Espainia.

Ulertezina da nazioarteko instantzietara etengabe jo behar izatea, Terrorismoaren Kontrako Legeari lotutako gaiei dagokionez Estatu Espainiarrean emandako oinarrizko eskubideen urraketak onartuak izan daitezen. Esan beharra dago helegite hauek Espainiaren kontrako gomendio eta epaiak izan dituztela ondorio.

Argi Perurena euskal preso polikoaren baldintzapeko askatasuna bertan behera fiskaltzaren eskaera dela eta

 Urtarrilaren 23an, Kondenaren Aplikaziorako Epaitegiak Argi Perurena euskal presoaren baldintzapeko askatsunaren eskaera onartu zuen. Argi Perurena Rennes espetxean dago, etxetik 669 kilometrotara. 2012an egin zuen baldintzapeko askatasuna eskuratzeko lehen eskaera, baina eskaera ukatu egin zioten, nahiz eta legeak eskatutako irizpide guztiak betetzen zituen.

Fiskaltzak, ordea, epaitegiaren erabakiaren aurkako helegitea jarri zuen, eta ondorioz Argiren askatasunaren inguruko erabakia martxora arte atzeratu dute. Gauzak honela, Argik preso jarraitu behar du; jada 13 urte daramatza preso.

Etxerat elkartetik salatu nahi dugu frantziar estatuan gure senide eta lagunei sistematikoki aplikatzen zaien neurri hau; hau da, baldintzapeko askatasuna emateko irizpide guztiak bete arren, euren kasuan ez aplikatzea. Horregatik, beste behin, baldintzapeko askatasuna eskuratzeko baldintzak betetzen dituzten gure senide eta lagun diren euskal preso politikoen askatasuna galdegiten dugu.

Beste hiru euskal preso politikori aplikatu diete 197/2006 doktrina

Beste behin, Auzitegi Gorenaren 197/2006 doktrinaren aplikazioak hiru euskal preso politikoren zigorrak luzatu ditu. Alde batetik, Jesus Mari Zabarte arrasatearrari aplikatu diote doktrina. Bera egun Jaengo espetxean dago, eta jada 29 urte daramatza preso bigarren aldiz atxilotu zutenetik. Irteera data 2013ko martxoaren 29rako zuen finkatua, baina, 197/2006 doktrina aplikatuta , zigorra 2015era arte luzatu diote. Bestetik, Xabin Usandizaga oñatiarrari ere aplikatu diote doktrina. 1997an espetxeratu zuten, eta egun Jaengo espetxean dago. Irteera data izan aurretik aplikatu diote 197/2006 doktrina, eta orain ere ez diote irteera datarik finkatu.

Andoni Cabello urbinarraren kasuan, berriz, bera 1991an espetxeratua izan zen eta egun Castello I espetxean dago. Irteera data 2013ko martxoaren 21erako bazuen ere, doktrina aplikatu diote, eta zigorra 2021era arte luzatu diote.

Hiru euskal preso politiko hauei bizi osorako espetxe zigorra aplikatu ondoren, 91 dira jada 197/2006 doktrinaren bitartez euren zigorra luzatu dieten gure senide eta lagunak. 91 hauetatik 71k oraindik preso jarraitzen dute, gainera. Era berean, gure senide eta lagunei bizi osorako espetxe zigorra aplikatzen dietenean, guri ere kondena berbera ezartzen digute.

Urte luze horietan salbuespeneko espetxe politikaren ondorioak pairatzen, sakabanaketaren ondorioz bidaiatzen, miaketak jasaten, etab. jarraitu behar baitugu. Bizi osorako espetxe zigorrarekin amaitu behar da, berehala amaitu ere.

HERRIRA: Adierazpenak Iruñean, Gobernu ordezkaritzan

herriraGaur Gobernuak Iruñean duen Delegaziora etorri gara, egungo espetxe politikari amaiera eskatzeko joan zen larunbatean kalera atera ginen 115.000 lagunen mezua emateko. Dossier bat egin dugu manifestazioaren osagai guztiekin, eta delegazio honen erregistroan aurkeztuko dugu Espainiako Gobernuari bidal diezaioten.

Alderdi Popularrak joan zen larunbateko manifestazioaren garrantziaz ohartu behar du. Mugitu nahi ezak ez du zentzurik jada euskal gizartearentzat, eta entzungor eginez halako muturreko jarreren kontrako arbuioa handitzea besterik ez du lortuko. Gauza bat argi gelditu da: gehiengo handi bat dago, ideologia guztietako jendeak osatua, garbi esaten diona ezin dutela jarraitu gatazkan eta giza eskubideen urraketan tematuta. Horregatik, uste dugu garai ailegatu zaiola Raxoi jaunari gizarteari aditzeko eta bake prozesua bultzatzeko.

Atzo iragarri genuenez, bilera bana eskatu diegu Iñigo Urkullu eta Yolanda Barcina lehendakariei. Sinetsiak gaude Gasteizko eta Iruñeko gobernuek asko egin dezaketela herritar guztien giza eskubideak errespetatu daitezen eta gatazkaren ondorioei heltzeko politikak sustatzen, eta, gaietako bat, jakina, biktimen eta preso eta erbesteratuen egoera da.

Urkullurekin eta Barcinarekin batzartzen saiatuko da Herrira

prentasurrekoaZalantzarik gabe oso pozik gaude joan den larunbateko manifestazioarekin. Aurre ikuspen guztiak gainditu zituen egun historikoa izan zen, eta 100.000 pertsona baino gehiagok kaleak hartu zituzten giza eskubideak, irtenbidea, bakea, eta blokeorako indarrean den kartzela politikaren amaiera aldarrikatzeko.

Manifestazioaren izaera ikaragarri jendetsuaz gain, azpimarratzekoa deritzogu parte hartzaileen artean izandako pluraltasuna. Honek argi erakutsen du, sigla eta jokabide alderdikoein gainetik, herri honetan askotarikoa eta aski zabala den gehiengo baten borondatea eta exigentzia dela dispertsioari amaiera ematea, kartzeletako eskubide urraketekin bukatzea, eta irtenbide eta bake prozesuan aurrera egitea dela.

Ez dugu aipamenik gabe utzi nahi, halaber, mobilizazioak bildu zuen elkartasun adierazpena. Jakitun gara, deserrian eta kartzeletan dauden pertsonentzat, bai eta haien familientzat ere, hau da, dispertsioa, isolamendua eta zigorraren ondorio mingarriak zuzenean bizitzen dituzten pertsonentzat, oxigenoz beteriko injekzio bat izan zela urtarrilaren 12koa. Haiei denei gure besarkadarik sentikorrena eta animo guztiak bidaltzea gustatuko litzaiguke.

Etxeratek 2012. urteko espetxe politikaren balantzea egin du

prentsaurrekoaNagore Lopez de Luzuriaga (Etxerat elkarteko kidea):

2013 hasi berri honetan, Etxerat elkartetik ezinbestekoa ikusten dugu, urtero egin ohi dugun bezala, igaro berri den urtearen balantzea egitea. 2012. urtea Bilboko kaleetan espetxe politikaren aldaketa exijituz hasi genuen, itxaropentsu ginen garai berriak irekitzen zituen aukera berrien aurrean. Konponbidea eta eskubide guztien errespetua ardatz izango lituzkeen aro berri baten aurrean geundela pentsatu genuen. 2012. urtea amaitu berri da, eta salbuespeneko espetxe politika gainditzeko aurrerapausorik eman ez dela ikusten dugu; are gehiago, 6 hilabeteko balantzean aurreratu genuen bezala, okerrera egin duela baieztatu genezake. Eta hau baieztatu ahal izateko hainbat datu ditugu.

“Herrira noa” ekimen kulturala Berriozarren

2013/01/06 11:00

#U12Bilbora: “Herrira noa” ekimen kulturala Berriozarrera helduko da igandean

Gernika, Gasteiz eta Villabonako saioen ongoren, Herrira Noa ekimen kulturala Berriozarrera helduko da igande honetan, urtarrilaren 6an. Hitzordua, 19:00tan Mendialdea ikastetxean, bertan euskal preso edo iheslariek espetxean edo deserrian idatzitako kantuei doinua jarriko diete euskal eszena musikaleko hainbat izen ezagunek. Sarrerak 6 euro balio du, eta lehiatilan salduko dira arratsaldeko 6etatik aurrera.

Berriozarko ekitaldian parte hartuko dutenen artean Jexuxmai Lopetegi, Aitor Gorosabel eta Xabi Bastida, Mikel Markez eta Arkaitz Miner, Eider Rodriguez, Ines Osinaga, Petti Lander Garro eta Katamalo daude. Saio hunkigarri eta bereziak izaten ari dira, errepikaezinak eta une gogoangarriak uzten dituztenak.

Gotzon Barandiaran idazleak dinamizatutako ekimena da hau eta datorren urtarrilaren 12an Herrira mugimenduak "Giza eskubideak. Irtenbidea. Bakea. Euskal presoak Euskal Herrira" lemapean egindako Herri Mobilizazio Orokorra bultzatzeko asmoa du.

Egin topo elkartasunean, Oiartzungo bertso saioan

2013/01/06 17:00

Oiartzungo bertso saioaUrtero bezala, Etxerat elkarteak preso eta iheslariekiko elkartasuna oinarri duen bertso saio ederra antolatu du 2013. urte hasi berri honetarako. Aurtengoa urtarrilaren 6an izango da, 17:00etan, Oiartzungo Elorsoro kiroldegian.

Aurtengo bertso saioan parte hartuko duten bertsolariak honakoak izango dira: Amets Arzallus, Julio Soto, Andoni Egaña, Maialen Lujanbio, Jon Maia, Hodei Barroso, Arkaitz Oiartzabal "Xamoa" eta Igor Elorza. Gai jartzaile bezala, berriz, Unai Elizasu izango da.

Sarrerak aurrez erosi ahal izango dira 12 eurotan honako leku hauetan: Irun (Hazia taberna), Hendaia (Kanttu ostatua), Lesaka (Arranoa), Orereta (Arkaitza eta Landare), Lezo (Tiñelu taberna), Donostia (Hontza eta Herria), Hernani (Garin eta Aralar), Villabona (Iratzar taberna), Tolosa (Raku taberna), Pasaia (Herriko taberna), Oiartzun (ohiko lekuak). Hala ere, egunean bertan ere 15 eurotan sarrerak eskuratzeko aukera izango da, kiroldegian.

Konzentrazioa Parlamentuaren aurrean

Gaurkoan, urteko azken ostirala den honetan, gure lehen hitzak une honetan espetxe urrunetara bidean milaka kilometro egiten ari diren lagun eta senide guztientzat dira. Jaso dezatela denek gure besarkadarik eta txalorik bero eta sentikorrena.

2012a amaitzear da eta Euskal Herrian bake eta konponbide egoera justu bat eraikitzeko aukera guztiak parez pare zabalik dauden honetan, ezinbestekoa da preso eta iheslarien auzia gorriz azpimarratzea. Izan ere, presondegietan ematen den egoera ez gizartear eta krudelak berehalako bukaera eskatzen du.

Konzentrazioa

Etxerat elkarteak abenduaren 29an burutuko dituen ekimenetan parte hartzera dei egin du

agerraldiaEgunon, eta milesker agerraldi honetara etorri zareten komunikabide guztiei.

Gaur Etxerat Elkartetik dei egin dizuegu, abenduaren 29an burutuko dugun ekimenaren berri emateko. Abenduaren 29a, egun garrantzitsua izango da euskal preso eta iheslarien senide guztiontzat. Egun horretan Urtarrilaren 12an Herrira mugimenduak deitu duen Mobilizazio Orokorrean parte hartzeko dei egingo baitugu.

Zortzi ordu t’erdiko elkarretaratzea

2012/12/28 12:00

Azken OstiralaOstiralean, zortzi ordu t’erdiko elkarretaratzea Nafarroako Parlamentuaren aurrean, Herrirak deituta

Heldu den abenduaren 28an, hilabeteko eta urteko azken ostirala,  presoen eskubideen aldeko mobilizazioak eginen dira Nafarroako  herri askotan. Iruñean, Herrira-k zortzi ordu t’erdiko enkartelada antolatu du.  Elkarretaratzea Nafarroako Parlamentuaren aurrean eginen da, eguerdiko 12etatik arratsaldeko 8.30ak bitarte. Ekitaldi nagusia eguerdiko 12etan izanen da, eta, horretan, urtarrilaren 12ko herri mobilizazio orokorrean parte hartzeko deia eginen dugu.

2012-12-24- Kontzentrazioa Iruñean, PPren egoitzaren aurrean

Astelehenero bezala, arratsalde honetan, 27 pertsona elkartu dira Iruñean, PPren egoitzaren aurrean,

Euskal preso politikoak Euskal Herrian bizitzeko eskubidea aldarrikatzeko, Hurrengo lelopekin:

“En la cárcel por su actividad política - Etxean nahi ditugu”

“La dispersión mata - Euskal Presoak Euskal Herrira”

 Kontzentrazioa

Lierni Armendariz eta Oroitz Salegi presoak bananduta lau hilabeteko haurra izan arren

Lierni Armendariz eta Oroitz Salegi euskal preso politikoak bananduta aurkitzen dira, lau hilabeteko haurra izan arren: Lierni Armendariz beasaindarra, Aranjuez espetxean dago Aiur haurrarekin. Oroitz Salegi donostiarra, berriz, Leongo Mansilla espetxean dago. 

Guraso izan aurretik, bikotea Mansilla espetxean zegoen. Baina, haurra izan baino bi hilabete lehenago Lierni Armendariz Aranjuezera mugitu zuten, bertako amen moduluan egon zedin. Ordutik, bi presoak eta euren senideak hirurak elkartzeko saiakerak egin dituzte. Oroitz Salegik Instituciones Penintenciarias-en (IIPP-en) eskaera bat egin zuen, bera Aranjuez espetxera eraman zezaten, bere bikotea eta haurra dauden espetxera hain zuzen ere. Baina, IIPP-ek bere eskaera atzera bota du. Biak elkarrekin egotea arriskutsua izan daitekeela argudiatuz. Hau ikusita Oroitzek epailearengana jo du kexa baten bidez, eta egun erantzunaren zain aurkitzen da. Ondorioz, Oroitzek ez du bere semea ezagutzen oraindik. 

Etxerat elkarteak euren senide eta lagunen etxeratzea eskatu du Gernikan

Etxerat elkarteko kideok elkarretaratze bat burutu dute gaur Gernikan, Lehendakariaren kargu hartzean, gure senide eta lagunen etxeratzea eskatzeko. Bertan aurkitzen ginen senide eta lagunok gure aldarrikapenen berri eman dugu.
 
Gainera, Lehendakariaren kargu hartzea amaitu denean, Etxerat elkarteko Natxi Aranburu eta Mikel Bienzobasek (azaroaren 24ean Saint Maur espetxearen arduragabekeriagatik bizitza arriskuan izan zuen Jon Bienzobas presoaren anaia) Iñigo Urkullu Lehendakariari gutun bat helarazi diote. Gutun honen helburua, datozen urteetan Euskal Autonomi Erkidegoko Lehendakari izango den Iñigo Urkulluri gure eta gure senide eta lagunen egoeraren berri ematea eta eskaera zuzen batzuk bideratzea da. Iñigo Urkullu Lehendakariak gure gutuna jaso du eta lanean ari direla eta jarraituko dutela adierazi digu.

Adierazpen Eguna

2012/12/20

Adierazpen Eguna deitu du abenduaren 20rako Herrirak

Urtarrilaren 12ko Herri Mobilizazio Orokorrera bidean, biderkatuz doaz egunotan Herrira mugimenduaren agerpenak. Euskal preso eta iheslari politikoen giza eskubideak errespetatzeko eskatu du gaurkoan Gasteizen. Eusko Jaurlaritzaren lehendakaria aukeratzeko inbestidura saioa egiten ari ziren bitartean legebiltzarraren barruan, eta, saioa amaitzean, protestarekin bat egin du Laura Mintegi EH Bilduko legebiltzarkideak. Urtarrilaren 12an Bilbon egingo duten manifestazioak izango duen lelo bera erabili dute: "Giza eskubideak. Irtenbidea. Bakea. Euskal presoak Euskal Herrira".

Jon Bienzobas euskal presoaren bizitza arriskuan funtzionario baten axolagabekeriagatik Saint Maur espetxean

Jon Bienzobas preso galdakarra azaroaren 12an Saint Maur espetxetik atera zuten, hurrengo egunean Parisko ospitale batean ebakuntza bat egin behar ziotelako. Kirofanoan zein Jon egon zen bestelako dependentzia guztietan, momentu oro E.R.I.S talde berezia presente egon zen. Sudurreko ebakuntza bat izan zen eta dena ondo atera zenez azaroaren 15ean, espetxera eraman zuten berriro ere.

Salbuespeneko espetxe politika 59 komikitan ikusgai

2012/12/17
2012/12/31

Komiki-erakusketaUrtarrilaren 12ko manifestazioaren atarian, Herrira mugimenduak komiki erakusketa bat antolatu du 18 artistaren lanekin.

Urtarrilaren 12ko Herri Mobilizazio Orokorra arlo guztietatik datozen ekarpenekin janzten ari da. Oraingo honetan, 18 marrazkilarik beren lanak eman dituzte presoei eta espetxe politikari buruzko talde erakusketa batean ikusgai jartzeko.

Erakusketa Zabaldin jarriko da (Nabarreria 25, Iruñea), abenduaren 17tik 31 arte, 12.00etatik 14.00etara eta arratsaldeko 18:00etatik gaueko 21:30etara. Abenduaren 17an, astelehena, 19:30ean, aurkezpen ekitaldia eginen da, eta egileetako batzuk bertan izanen dira. Ondoren otamena eginen da.

2012-12-10- Kontzentrazioa Iruñean, PPren egoitzaren aurrean

Astelehenero bezala, arratsalde honetan, 69 pertsona elkartu dira Iruñean, PPren egoitzaren aurrean.

Euskal preso politikoak Euskal Herrian bizitzeko eskubidea aldarrikatzeko, Hurrengo lelopekin:

“En la cárcel por su actividad política - Etxean nahi ditugu”

“La dispersión mata - Euskal Presoak Euskal Herrira”

 Kontzentrazioa Iruñean

HATORTXUROCK 14 / HATOR, HATOR NESKA MUTIL ETXERA

2012/12/28 21:00
2012/12/29 23:59

HATORTXUROCK 14HATORTXUROCK / HATOR, HATOR NESKA MUTIL ETXERA jaialdiaren 14. edizioa abenduaren azken egunetan izango da. Aurreko edizioan bezala, bi egunetan zehar izanen da, ABENDUAREN 28an, OSTIRALEAN, eta ABENDUAREN 29an, LARUNBATEAN, Atarrabia eta Burlata artean dagoen ENTRECEMENTERIOS delako eremuan, 2011n egin zen leku berean. Kontzertuak KARPA ERRALDOI bakarrean eginen dira, eta sarreren prezioak honakoak izanen dira: ALDEZ AURRETIK erosita 12 € ostiralean eta 20 € larunbatean. TAKILLAN erostekotan, berriz, 15 eta 24 euro, hurrenez hurren. Bi egunetarako BONOA eskuratzeko aukera ere badago, 25 euroren truke.

Kontzertuak, esan bezala, karpa erraldoi bakarrean eginen dira, BI ESZENATOKITAN, eta taldeek txandaka joko dute lehenengo batean eta gero bestean.

Ramon Uribe eta Juan Ramon Rojo presoak espetxean mantentzen jarraituko dute

Gaurko, 2012ko abenduaren 3rako Ramon Uribe Navarrok eta Juan Ramon Rojo Gonzalezek irteera data bezala finkatua bazuten ere, biek espetxean jarraitu beharko dute.

Ramon Uribe usurbildarraren kasuan, berak gaurko finkatua zuen irteera data, baina 197/2006 doktrina aplikatu diote, zigorra 2024ko maiatzaren 24ra arte luzatu diotelarik. Hau da bizi osorako espetxe zigorrera kondenatu dute. Gainera, Espainiako Auzitegi Nazionalak Estrasburgok Ines del Rioren kasuaren inguruan emandako ebazpenaren ostean lehen aldiz aplikatu dio 197/2006 doktrina euskal preso politiko bati.

Syndicate content